પહેલગામમાં થયેલા આતંકવાદી હુમલા બાદથી, પાકિસ્તાન સતત નિયંત્રણ રેખા પર યુદ્ધવિરામનું ઉલ્લંઘન કરી રહ્યું છે. તમને જણાવી દઈએ કે ૨૨ એપ્રિલના રોજ થયેલા હુમલાને લગભગ ૧૨ દિવસ વીતી ગયા છે, પરંતુ પાકિસ્તાન હજુ પણ યુદ્ધવિરામનું ઉલ્લંઘન કરી રહ્યું છે. સોમવારે રાત્રે પાકિસ્તાની સેનાએ કોઈપણ ઉશ્કેરણી વિના ફરીથી નિયંત્રણ રેખા પર નાના હથિયારોથી ગોળીબાર કર્યો.
તમને જણાવી દઈએ કે પાકિસ્તાની સેનાએ જમ્મુના પૂંછ, રાજૌરી, મેંધાર, નૌશેરા, સુંદરબની, અખનૂર અને કાશ્મીરના કુપવાડા અને બારામુલા સેક્ટરમાં નિયંત્રણ રેખા પર યુદ્ધવિરામનું ઉલ્લંઘન કર્યું હતું. જાકે, હંમેશની જેમ, આ વખતે પણ ભારતીય સેનાએ યોગ્ય જવાબ આપ્યો.
તમને જણાવી દઈએ કે પહેલગામમાં થયેલા આતંકવાદી હુમલાના ઘા હજુ પણ દેશના નાગરિકોને દુઃખી કરી રહ્યા છે અને ભારત સરકાર આ દિશામાં સતત પગલાં લઈ રહી છે. હુમલાના એક દિવસ પછી ભારત સરકારે પાકિસ્તાન સામે અનેક દંડાત્મક પગલાંની જાહેરાત કરી, જેમાં સિંધુ જળ સંધિને સ્થગિત કરવી, અટારી ભૂમિ સરહદ ક્રોસિંગ બંધ કરવી અને રાજદ્વારી સંબંધોને ડાઉનગ્રેડ કરવાનો સમાવેશ થાય છે. જવાબમાં, પાકિસ્તાને ભારતીય વિમાનો માટે પોતાનું હવાઈ ક્ષેત્ર બંધ કરી દીધું અને ભારત સાથેના તમામ વેપાર, જેમાં ત્રીજા દેશો દ્વારા થતા વેપારનો પણ સમાવેશ થાય છે, બંધ કરી દીધો.
તાજેતરના દંડાત્મક પગલામાં, ભારતે રાષ્ટÙીય સુરક્ષા અને જાહેર નીતિના આધારે તાત્કાલિક અસરથી પાકિસ્તાનથી તમામ માલની આયાત પર સંપૂર્ણ પ્રતિબંધ લાદ્યો છે. નવી દિલ્હીએ પાકિસ્તાનથી આવતી તમામ ટપાલ સેવાઓ પણ સ્થગિત કરી દીધી છે અને ભારતીય બંદરોમાં પાકિસ્તાની ધ્વજવાળા જહાજાના પ્રવેશ પર પ્રતિબંધ મૂક્યો છે.
