પાકિસ્તાન, જેણે તેના પડોશી દેશોને ક્્યારેય શાંતિથી રહેવા દીધા નથી, તે હવે શાંતિનું ગીત ગાઈ રહ્યું છે. દુનિયા જાણે છે કે ઓસામા બિન લાદેનને કોણે આશ્રય આપ્યો હતો અને તેને ક્્યાં માર્યો ગયો હતો. દરમિયાન, શાંતિનું ગીત બીજું કોઈ નહીં પણ પાકિસ્તાની આર્મી ચીફ ફિલ્ડ માર્શલ અસીમ મુનીર ગાઈ રહ્યા છે. મુનીરે જણાવ્યું છે કે તેમનો દેશ તેના તમામ પડોશીઓ સાથે શાંતિ ઇચ્છે છે પરંતુ સરહદ પાર આતંકવાદને મંજૂરી આપશે નહીં.આસીમ મુનીરે પેશાવરમાં આદિવાસી વડીલોની જિર્ગા (કાઉન્સિલ) સાથેની વાતચીત સત્ર દરમિયાન આ નિવેદન આપ્યું હતું. મુનીરને ૧૧મી કોર્પ્સ હેડક્વાર્ટરમાં વર્તમાન સુરક્ષા વાતાવરણ, લશ્કરી તૈયારીઓ અને પાકિસ્તાન-અફઘાનિસ્તાન સરહદ પર શાંતિ અને સ્થિરતા જાળવવા માટે ચાલી રહેલા આતંકવાદ વિરોધી પ્રયાસો વિશે પણ માહિતી આપવામાં આવી હતી.સેનાના નિવેદન અનુસાર, મુનીરે પાકિસ્તાન અને અફઘાન તાલિબાન વચ્ચેના તાજેતરના સંઘર્ષ દરમિયાન સુરક્ષા દળોને તેમના અડગ અને બિનશરતી સમર્થન બદલ આદિવાસી લોકોની પણ પ્રશંસા કરી. તેમણે આતંકવાદ સામેની લડાઈમાં ખૈબર પખ્તુનખ્વાના બહાદુર લોકોની હિંમત અને બલિદાનને શ્રદ્ધાંજલિ આપી. આદિવાસી વડીલોએ આતંકવાદ અને અફઘાન તાલિબાન સામેની લડાઈમાં સશસ્ત્રો દળોને તેમનો સંપૂર્ણ ટેકો પુનરાવર્તિત કર્યો.અસીમ મુનીરે કહ્યું, “પાકિસ્તાન અફઘાનિસ્તાન સહિત તેના તમામ પડોશીઓ સાથે શાંતિ ઇચ્છે છે, પરંતુ પડોશી ધરતી પરથી આતંકવાદને પ્રોત્સાહન ન આપવું જાઈએ.” તેમણે ભારપૂર્વક જણાવ્યું કે અફઘાનિસ્તાન તરફથી સતત સરહદ પાર આતંકવાદ છતાં પાકિસ્તાને ધીરજ રાખી છે. મુનીરે એમ પણ કહ્યું કે દ્વિપક્ષીય સંબંધો સુધારવા માટે કાબુલને રાજદ્વારી અને આર્થિક દરખાસ્તો કરવામાં આવી છે.મીટિંગ દરમિયાન, મુનીરે આદિવાસી વડીલોને ખાતરી આપી કે પાકિસ્તાન, ખાસ કરીને ખૈબર પખ્તુનખ્વા પ્રાંત, આતંકવાદીઓ અને તેમના સમર્થકોથી સંપૂર્ણપણે મુક્ત થશે. વડીલોએ આર્મી ચીફના ભાષણની પ્રશંસા કરી અને શાંતિ પ્રત્યેની તેમની અતૂટ પ્રતિબદ્ધતા વ્યક્ત કરી.
