વિદ્યાગુરૂ ફાઉન્ડેશન સાવરકુંડલા દ્વારા પન્ના નાયક ફ્રી પેડ પ્રોજેકટ અંતર્ગત પન્ના નાયક તથા નટવર ગાંધીના સૌજન્યથી સાવરકુંડલાની વી.ડી. કાણકીયા આર્ટસ કોલેજ, એમ.આર. સંઘવી કોમર્સ કોલેજ અને વી.ડી. ઘેલાણી મહિલા કોલેજની બહેનો માટે સંયુક્ત ઉપક્રમે માસિક ધર્મ સ્વચ્છતા જાગૃતિ શિબિરનું આયોજન કરવામાં આવ્યું હતું. જેમાં મીનાબેન જાષીએ પ્રાસંગીક ઉદ્બોધન કર્યું હતું. ત્યારબાદ પ્રોજેકટ વિશેષજ્ઞ જીગીશાબેન ગાંધીએ તમામ બહેનોને માસિક ધર્મ સ્વચ્છતા જાગૃતિ માટે વૈજ્ઞાનિક રીતે સચોટ માર્ગદર્શન આપ્યું હતું. સમગ્ર શિબિરને સફળ બનાવવા કોલેજના સ્ટાફ દ્વારા જહેમત ઉઠાવવામાં આવી હતી.
