પંજાબ-હરિયાણા હાઈકોર્ટે ભરણપોષણની ચૂકવણીના આદેશને પડકારતી અરજીને ફગાવી દેતાં સ્પષ્ટ કર્યું હતું કે પત્ની શિક્ષિત હોવાની દલીલ કરીને ભરણપોષણ નકારી શકાય નહીં.સુપ્રીમ કોર્ટના આદેશને પડકારતી અરજીને ફગાવી દેતાં કહ્યું હતું કે પત્ની શિક્ષિત છે તેવી દલીલ કરીને ભરણપોષણનો ઇનકાર કરી શકાય નહીં.
અરજી દાખલ કરતી વખતે અંબાલાના રહેવાસી પતિએ હાઈકોર્ટમાં જણાવ્યું કે તેના લગ્ન ૨૦૧૬માં થયા હતા. થોડા સમય પછી, અરજદારની પત્નીએ તેને કોઈ કારણ વગર છોડી દીધી. આ પછી તેણે અંબાલાની ફેમિલી કોર્ટમાં ભરણપોષણ માટે અરજી કરી.
અંબાલાની ફેમિલી કોર્ટે પત્નીની તરફેણમાં ચુકાદો આપતાં તેણીને દર મહિને ૩૬૦૦ રૂપિયાનું ભથ્થું ચૂકવવાનો આદેશ આપ્યો હતો. અરજદારે કહ્યું કે તે દવાની દુકાનમાં સહાયક તરીકે કામ કરે છે અને તેને દર મહિને રૂ. ૪૦૦૦ મળે છે. અરજદારે રજૂઆત કરી હતી કે તેની પત્નીએ હિન્દીમાં એમએ કર્યું છે અને તેના પિતા વકીલ ક્લાર્ક તરીકે કામ કરે છે. અરજદારે કહ્યું કે ભરણપોષણ માટેનો આદેશ યોગ્ય નથી અને તેને રદ્દ કરવો જોઈએ.
અરજીને ફગાવી દેતાં હાઈકોર્ટે કહ્યું હતું કે અરજદારની પત્ની અને બાળકોની સંભાળ રાખવાની કાયદાકીય અને નૈતિક જવાબદારી છે. અરજદારની પત્ની શિક્ષિત હોવાની દલીલ કરીને, ભરણપોષણ નકારી શકાય નહીં.
