(એ.આર.એલ),કાઠમંડુ,તા.૩
નેપાળના નવા ચૂંટાયેલા વડાપ્રધાન કેપી શર્મા ઓલીએ પણ હવે માલદીવના રાષ્ટપતિ મોહમ્મદ મુઈઝુના માર્ગને અનુસર્યો છે. તે જૂની પરંપરા તોડીને ભારતને બદલે અન્ય કોઈ દેશની મુલાકાતે પણ જવાના છે. એવું કહેવામાં આવી રહ્યું છે કે કેપી શર્મા ઓલી કદાચ પહેલા પડોશી દેશની મુલાકાત લેવાની પરંપરાને તોડીને તેમની પ્રથમ વિદેશ યાત્રા માટે થાઈલેન્ડ જઈ શકે છે. જા કે ભૂતકાળમાં નેપાળના અન્ય વડા પ્રધાનો મોટાભાગે પ્રથમ ભારતની મુલાકાતે આવ્યા હતા, જાકે કેટલાકે ચીનની મુલાકાત પણ લીધી હતી.એ જ રીતે માલદીવના રાષ્ટપતિ મોહમ્મદ. રાષ્ટપતિ બન્યા બાદ મુઈઝુએ પણ પરંપરા તોડી અને ભારતને બદલે ચીનને પ્રાથમિકતા આપી. સત્તાવાર સૂત્રોના જણાવ્યા અનુસાર, વડાપ્રધાન ઓલી સપ્ટેમ્બરના પ્રથમ સપ્તાહમાં બિમ્સટેક (બે ઓફ બંગાળ ઇનિશિયેટિવ ફોર મલ્ટી-સેક્ટોરલ ટેકનિકલ એન્ડ ઇકોનોમિક કોઓપરેશન) સમિટમાં ભાગ લેવા થાઇલેન્ડ જશે. વડાપ્રધાન બિમ્સટેક સમિટમાં ભાગ લેવા માટે તેમની પ્રથમ વિદેશી મુલાકાતમાં સપ્ટેમ્બરના પ્રથમ સપ્તાહમાં થાઈલેન્ડની મુલાકાત લેશે, જાકે આ મુલાકાતની વિગતો હજુ સુધી નક્કી કરવામાં આવી નથી, એમ ઓલીના એક સહાયકે જણાવ્યું હતું.બાંગ્લાદેશ, ભૂતાન, ભારત, મ્યાનમાર, નેપાળ, શ્રીલંકા અને થાઈલેન્ડ સહિતના બિમ્સટેક સભ્ય દેશોના નેતાઓ સમિટ માટે સપ્ટેમ્બરના પ્રથમ સપ્તાહમાં બેંગકોકમાં બેઠક કરી રહ્યા છે. વડાપ્રધાન ઓલી સપ્ટેમ્બરના ત્રીજા સપ્તાહમાં સંયુક્ત રાષ્ટ મહાસભામાં ભાગ લેવા માટે અમેરિકા જશે. વડા પ્રધાનના એક સહાયકે કહ્યું, “અમને હજુ સુધી ભારતની મુલાકાત માટે કોઈ સત્તાવાર આમંત્રણ મળ્યું નથી.
