આમ આદમી પાર્ટીના રાષ્ટ્રીય સંયોજક અમિત શાહ, સમાજવાદી પાર્ટીના વડા અખિલેશ યાદવ, દિલ્હીના મુખ્યમંત્રી આતિશી,આપ સાંસદ સંજય સિંહ અને મહિલાઓના સમૂહે દેશની પુત્રી નિર્ભયાને શ્રદ્ધાંજલિ આપી હતી. આમ આદમી પાર્ટીએ ‘મહિલા અદાલત’ નામનો કાર્યક્રમ યોજ્યો હતો. મહિલા કોર્ટને સંબોધતા અરવિંદ કેજરીવાલે કહ્યું, ‘આજથી ૧૨ વર્ષ પહેલા અમારી બહેન નિર્ભયા પર ગેંગરેપ થયો હતો. આ પછી તેનું મૃત્યુ થયું. આ ઘટના બાદ આખો દેશ રસ્તા પર આવી ગયો હતો અને એવું લાગી રહ્યું હતું કે હવે મહિલાઓ સાથે આવી ઘટનાઓ નહીં બને પરંતુ ઘટનાઓ ઘટવાને બદલે વધી છે.
કેજરીવાલે કહ્યું, ‘મહિલાઓ કહે છે કે પોલીસ તેમની ફરિયાદ પર કંઈ કરતી નથી. પોલીસ કંઈ કરતી નથી કારણ કે તેની ઉપર અમિત શાહ બેઠા છે અને તેઓને તમારી કોઈ પડી નથી. ૧૦ વર્ષ પહેલા તમે મને દિલ્હીની સરકારી શાળાઓ, હોસ્પિટલો, વીજળી અને પાણીની વ્યવસ્થા સુધારવાની જવાબદારી આપી હતી અને મેં તે પૂરી કરી હતી, પરંતુ તમે દિલ્હીની સુરક્ષાની જવાબદારી કેન્દ્રની ભાજપ સરકાર અને ગૃહમંત્રી અમિત શાહને આપી હતી, પરંતુ તેઓ દિલ્હીને બરબાદ કરી દીધું.
કેજરીવાલે કહ્યું, ‘અમિત શાહ માટે કાયદો અને વ્યવસ્થાનો મુદ્દો ન હોઈ શકે, પરંતુ દિલ્હીના લોકો માટે સુરક્ષા એકમાત્ર મુદ્દો છે અને જ્યાં સુધી અમને જવાબ નહીં મળે ત્યાં સુધી અમે આને હાઈલાઈટ કરતા રહીશું. હવે સમય આવી ગયો છે કે તમે (ગૃહ પ્રધાન અમિત શાહ) સ્વીકારી લો કે તમે દિલ્હીના લોકોની સુરક્ષા કરી શકતા નથી! બહાર આવો અને તેને સ્વીકારો.
કેજરીવાલે કહ્યું, ‘આટલા વર્ષો સુધી ભાજપે ગરીબોની જરૂરિયાતોને નજરઅંદાજ કરી, પરંતુ આજે જુઓ ઝુગ્ગી યાત્રાના નામે તેમનો શો-ઓફ. તેઓ આ બધુ નાટક અને ફોટો સેશન કેમ કરી રહ્યા છે. ભાજપે ગરીબો માટે શું કર્યું? શું તેઓ સમજાવશે?’
સપા પ્રમુખ અખિલેશ યાદવે કહ્યું કે, ‘સમાજવાદી પાર્ટી આમ આદમી પાર્ટી સાથે ખભે ખભા મિલાવીને ઉભી છે. શરમજનક બાબત છે કે દેશની રાજધાની દિલ્હીમાં પણ આપણી માતાઓ, પુત્રીઓ અને બહેનો સુરક્ષિત નથી. જા કેન્દ્ર (ભાજપ) દિલ્હીમાં આપણી મહિલાઓને સુરક્ષિત કરી શકતું નથી, તો આપણે તેમના પર આપણા દેશની સુરક્ષા કેવી રીતે કરી શકીએ?’
