બીએસઇ સૂચકાંકોએ નિફ્ટી ૫૦ સહિત અનેક મુખ્ય સૂચકાંકોમાં મોટા ફેરફારોની જાહેરાત કરી છે. અર્ધવાર્ષિક સમીક્ષાના ભાગ રૂપે કરવામાં આવેલા આ ફેરફારમાં સૌથી મોટો ફેરફાર નિફ્ટી ૫૦માં જાવા મળશે. બીએસઈ લિમિટેડને નિફ્ટી ૫૦માં સામેલ કરવામાં આવશે, જ્યારે આઇટી જાયન્ટ વિપ્રોને બાકાત રાખવામાં આવશે. નવા ફેરફારો ૩૦ સપ્ટેમ્બર, ૨૦૨૬ થી અમલમાં આવશે.
બીએસઈ નિફ્ટી ૫૦માં વિપ્રોનું સ્થાન લેશે. આ ફેરફાર ૨૯ સપ્ટેમ્બરના રોજ ટ્રેડિંગ બંધ થયા પછી અમલમાં આવશે. આનો અર્થ એ થયો કે ૩૦ સપ્ટેમ્બરથી, બીએસઈ ભારતના અગ્રણી બેન્ચમાર્ક સૂચકાંક, નિફ્ટી ૫૦નો ભાગ બનશે. નિફ્ટી ૫૦માંથી વિપ્રોને બાકાત રાખવાની અસર ફક્ત આ સૂચકાંક સુધી મર્યાદિત રહેશે નહીં. કંપનીને નિફ્ટી નેક્સ્ટ ૫૦ માં સમાવવામાં આવશે, કારણ કે આ ઇન્ડેક્સમાં નિફ્ટી ૧૦૦ ના એવા શેરોનો સમાવેશ થાય છે જે નિફ્ટી ૫૦ નો ભાગ નથી.
નિફ્ટી ૧૦૦ માં પણ મોટો ફેરફાર કરવામાં આવ્યો છે. ઇન્ડિયન હોટેલ્સ, લોધા ડેવલપર્સ,આરઇસી, શ્રી સિમેન્ટ અને યુનાઇટેડ સ્પિરિટ્સને બાકાત રાખવામાં આવશે. તેમના સ્થાને, બીએસઈ, હિટાચી એનર્જી ઇન્ડિયા, પોલીકેબ ઇન્ડિયા, વેદાંત એલ્યુમિનિયમ મેટલ્સ અને વોડાફોન આઇડિયાને ઇન્ડેક્સમાં સમાવવામાં આવશે. આ ફેરફારો નિફ્ટી ૧૦૦ ઇક્વલ વેઇટ ઇન્ડેક્સમાં પણ પ્રતિબિંબિત થશે.
પાંચ કંપનીઓને પણ નિફ્ટી નેક્સ્ટ ૫૦ માં ઘટાડી દેવામાં આવશે. ઇન્ડિયન હોટેલ્સ, લોધા ડેવલપર્સ, ઇઈઝ્ર, શ્રી સિમેન્ટ અને યુનાઇટેડ સ્પિરિટ્સને બાકાત રાખવામાં આવશે. હિટાચી એનર્જી ઇન્ડિયા, પોલીકેબ ઇન્ડિયા, વેદાંત એલ્યુમિનિયમ મેટલ્સ, વોડાફોન આઇડિયા અને વિપ્રોનો સમાવેશ કરવામાં આવશે. નિફ્ટી ૫૦ માંથી બાકાત રાખ્યા બાદ વિપ્રોને નિફ્ટી નેક્સ્ટ ૫૦ માં સમાવવામાં આવશે.
નિફ્ટી ૫૦૦ માં સૌથી વધુ ફેરફારો જાવા મળશે. સત્તાવીસ કંપનીઓને બાકાત રાખવામાં આવશે અને ૨૭ નવી કંપનીઓ ઉમેરવામાં આવશે. નવા ઉમેરાયેલા શેરોમાં ઈથર ઇન્ડસ્ટ્રીઝ, અવંતિ ફીડ્સ, આઝાદ એન્જીનિયરિંગ, ભારત કોકિંગ કોલ, બ્લેક બોક્સ, ક્્યુપિડ, આઈનોક્સ ઇન્ડિયા, રૂબીકોન રિસર્ચ અને સ્ટરલાઇટ ટેક્નોલોજીસનો સમાવેશ થાય છે.
ઇન્ડેક્સમાં ફેરફાર બાદ, મુખ્ય સૂચકાંકોમાં સમાવિષ્ટ અથવા બાકાત રાખવામાં આવેલા શેરોમાં ટ્રેડિંગ પ્રવૃત્તિમાં વધારો થઈ શકે છે. ખાસ કરીને ઇન્ડેક્સ ફંડ્સ અને ઇટીએફને તેમના પોર્ટફોલિયોને સમાયોજિત કરવાની જરૂર પડી શકે છે. આ ૩૦ સપ્ટેમ્બરની આસપાસ સંબંધિત શેરોમાં ટ્રેડિંગ વોલ્યુમ અને લિકવીડિટીને અસર કરી શકે છે.
