નાઈજિરિયાના સેન્ટર ફોર ડિસીઝ કંટ્રોલે જણાવ્યું હતું કે દેશભરમાં ચેપ ઘટાડવાના સરકારી પગલાં વચ્ચે આ વર્ષે લાસા તાવથી મૃત્યુઆંક વધીને ૧૫૫ થઈ ગયો છે લાસા તાવ અંગેના તાજેતરના સિન્હુઆ અહેવાલમાં, જાહેર આરોગ્ય એજન્સીએ જણાવ્યું હતું કે આ વર્ષની શરૂઆતથી આ રોગના ૭૮૨ પુષ્ટિ થયેલા કેસો નોંધાયા છે, જેમાં ૪,૯૩૯ શંકાસ્પદ કેસ છે. એનસીડીસીએ કહ્યું કે આ તાવથી જૂનની શરૂઆત સુધીમાં ૧૫૫ લોકોના મોત નોંધાયા છે.
દેશમાં આ રોગનો મૃત્યુદર ૧૯.૮ ટકા છે. જ્યારે ગયા વર્ષે તે ૨૦.૨ ટકા હતો. ઓન્ડો, એડો અને બૌચી પ્રાંતોમાં આ વર્ષે રોગના ૬૮ ટકા કેસ નોંધાયા છે. વર્લ્‌ડ હેલ્થ ઓર્ગેનાઈઝેશન અનુસાર, લસા તાવ એ ઝડપથી ફેલાતો વાયરલ હેમરેજિક રોગ છે.લાસા તાવના કેટલાક કિસ્સાઓમાં, મેલેરિયા જેવા લક્ષણો વાયરસના સંપર્કમાં આવ્યાના એકથી ત્રણ અઠવાડિયાની વચ્ચે દેખાય છે. હળવા કિસ્સાઓમાં, તાવ, થાક, નબળાઇ અને માથાનો દુખાવોના લક્ષણો જાવા મળે છે