નર્મદાના પીપલોદ ગામમાં ૪૮ વર્ષીય મહિલાનું ગળું દબાવીને કાળજું કંપે તેવી હત્યા કરવામાં આવી છે. જા કે, આ હત્યાના આરોપીને પોલીસે ગણતરીના કલાકોમાં જ પકડી પાડ્યો હતો. કાર્યવાહી દરમિયાન જાણવા મળ્યું કે, આરોપીએ જેની હત્યા કરી તે તેની કાકી હતી. કાકી પાસેથી ભત્રીજાએ અઘટીત માંગણી કરી હતી. જા કે, ભત્રીજાની માંગણી કાકીએ ન સ્વીકારી અને તેનું ગળું દબાવીને હત્યા કરી દેવામાં આવી.
આ ઘટના નર્મદા જિલ્લાના દેડિયાપાડા તાલુકાના પિપલોદ ગામમાં બની છે. મૃતક મહિલાનું નામ રમીલાબેન વસાવા છે અને તેમની લાશ પોતાના ઘરના આંગણામાં જ જાવા મળી હતી. મહિલાના ગળાના ભાગે ઈજાના નિશાન મળી આવતાં હત્યાની શંકા વ્યક્ત કરવામાં આવી હતી. મૃતકની પુત્રીએ ડેડીયાપાડા પોલીસ મથકમાં ફરિયાદ નોંધાવી અને આરોપીને શોધવાની માંગ કરી હતી. આ ઘટના અંગે જાણ થતાં જ પોલીસે આગળની તપાસ હાથ ધરી હતી.
પોલીસે મોબાઈલ લોકેશન, શંકાસ્પદ ઇસમોની અલગ અલગ વ્યકતિ દ્વારા અને હ્યુમન રીસોર્સીસને આધારે પુછપરછ શરૂ કરી હતી. જા કે, આ તમામ પ્રયાસો થકી પોલીસને પૂરતા પુરાવા ન મળતા તેમણે એફ.એસ.એલ., ડોગસ્ક્વોડની મદદ લીધી અને આરોપીને દબોચી પાડ્યો હતો. આરોપી મહેશભાઇ રૂમાભાઇ વસાવાએ ગુનાની કબુલાત કરતા કાયદેસરની કાર્યવાહી હાથ ધરી છે.
