લાઠી તાલુકાના આંબરડીથી રસનાળ રોડ જે ઘણા સમયથી કાચો રસ્તો હોવાથી આ વિસ્તારના લોકો દ્વારા ધારાસભ્ય જનકભાઈ તળાવીયાને રજૂઆત કરતા ધારાસભ્ય દ્વારા સરકાર પાસેથી મંજૂર કરાવી બે કિલોમીટરના કાચા રસ્તાને પાકો ડામર રોડ બનાવવાનું ખાતમુહૂર્ત કરવામાં આવ્યું હતું. ઘણા સમયથી લાઠી તાલુકાના પીપળવાથી દેરડી જાનબાઇ ગામ તરફ જવાનો રોડ અતિ બિસ્માર હાલતમાં હોવાથી આ વિસ્તારના લોકો દ્વારા ધારાસભ્ય જનકભાઈ તળાવીયાને રજૂઆત કરતા ધારાસભ્યએ રજૂઆત ધ્યાને લઇને સરકારમાંથી આ ૫ાંચ કિલોમીટરનો રોડ રિસરફેસ કરી રોડનું નવીનીકરણ કરવા માટે મંજૂર કરાવી પીપળવાથી દેરડી રોડનું ખાતમૂહૂર્ત કરવામાં આવ્યું હતું.
