લોકસભા ચુંટણી ૨૦૨૪નું મતદાન આજે પુરૂ થયું છે.૫૪૨ લોકસભા બેઠકોના પરિણામ ઇવીએમમાં કેદ થઇ ગયા છે.હવે લોકોને આતુરતાથી એ વાતની ઇન્તેજારી છે કે દેશમાં આગામી સરકાર કોની બનશે શું દેશમાં ત્રીજીવાર મોદી સરકાર આવનાર છે કે કંઇક ઉલટફેર થશે વિપક્ષી ગઠબંધન ઈન્ડીયા પણ આ વખતે જીતનો દાવો કરી રહ્યું છે.દેશમાં આગામી સરકાર કોની બનશે એ તો ચાર જુને જ જાણી શકાશે પરંતુ એકઝીટ પોલના પરિણામે કંઇક હદે થીતિ સ્પષ્ટ કરી દીધી છે. ઈન્ડીયા ટુડે એકિસસ માઇ ઈન્ડીયાના એકઝીટ પોલના પરિણામમાં જણાવાયું છે કે દક્ષિણના સૌથી મોટા રાજય તમિલનાડુમાં ડીએમકે કોંગ્રેસના દબદબો રહેશે અહીં ઈન્ડીયા ગઠબંધનને ૩૩-૩૭ બેઠકો મળવાનું અનુમાન છે જયારે એનડીએને ૨થી૭ અને એઆઇએડીએમકેને ૨ બેઠકો મળવાનું અનુમાન છે.સર્વે એજન્સીએ એનડીએને ૩૫૩-૩૬૮ અને ઈન્ડીયા ગઠબંધનને ૧૧૮-૧૩૩ જયારે અન્યને ૪૩-૪૮ બેઠકો મળે તેવું અનુમાન લગાવ્યું છે. પીમારકયુએ એનડીએને ૩૫૯ ઈન્ડીયાને ૧૫૪ અને અન્યને ૩૦ બેઠકો મળશે તેવું અનુમાન લગાવ્યું છે. એબીસી વોટરના એકઝીટ પોલમાં આંધ્રપ્રદેશ માટે એનડીએને ૨૧-૨૫ વાઇએસઆરસીપીને ૪ કોંગ્રેસને શૂન્ય અને અન્યને પણ શૂન્ય બેઠકો મળવાનું અનુમાન લગાવ્યું છે. કર્ણાટકમાં ભાજપ ૧૮-૨૨ બેઠકો પર જીતી શકે છે કોંગ્રેસ પાછળ રહેશે.તેલગણામાં ભાજપ વધારે બેઠકો જીતી સકે છે.તે ૮થી ૧૦ બેઠકો જીતી શકે છે. કેરલમાં ઈન્ડીયા ગઠબંધનના બે જુથો યુડીએફ અને એલડીએફ જેમાં લડાઇ થાય છે પરંતુ આ વખતે ભાજપે આ લડાઇને ત્રીજુ એંગલ આપ્યું છે. અહીં યુડીએફને ૧૩-૧૫ એલડીએફને ૩-૫ અને ભાજપને ૧-૩ બેઠકો મળી શકે છે.
લોકસભા ચૂંટણી ૨૦૨૪ સાત તબક્કામાં યોજાઈ હતી, જેમાં પ્રથમ તબક્કો ૧૭ એપ્રિલે અને છેલ્લો તબક્કો ૧ જૂને યોજાશે. લોકસભાની ૫૪૩ બેઠકો પર ચૂંટણી યોજાઈ હતી. લોકસભા ચૂંટણીના પરિણામો ૪ જૂને જાહેર થશે.
વાસ્તવમાં, એક્ઝીટ પોલ એ ચૂંટણી પછીનો સર્વે છે, જે દેશના મૂડનો અંદાજ લગાવે છે. આ એક ઓપિનિયન પોલ છે જે દર્શાવે છે કે રાજકીય પક્ષ કેટલી બેઠકો જીતી શકે છે. એ નોંધવું જાઈએ કે એક્ઝીટ પોલ સત્તાવાર ચૂંટણી પરિણામો જેવા નથી. ભારતીય ચૂંટણી પંચ દ્વારા ૪ જૂનના રોજ સત્તાવાર લોકસભા ચૂંટણીના પરિણામો ૨૦૨૪ જાહેર કરવામાં આવશે. મીડિયા હાઉસ દ્વારા સાંજે ૬.૩૦ વાગ્યા પછી એક્ઝીટ પોલ જાહેર કરવામાં આવ્યા હતા.
૨૦૧૯ માં, ઈન્ડીયા ટુડે-એકસીસ માય ઈન્ડીયા અને ટુડેઝ ચાણક્ય સૌથી સચોટ હતા, જે જીતેલી સીટોની સૌથી નજીક આવ્યા હતા. આ પછી ટાઈમ્સ નાઉ-વીએમઆરની આગાહી હતી. ૨૦૧૯ ના વાસ્તવિક પરિણામોમાં, એનડીએ ૩૫૩ બેઠકો જીતી હતી અને યુપીએને ૯૧ બેઠકો મળી હતી.
જ્યારે ૨૦૧૪માં એનડીએને ૩૩૬ બેઠકો મળી હતી, જ્યારે યુપીએને ૬૬ અને અન્ય પક્ષોને ૧૪૭ બેઠકો મળી હતી. ભાજપે એકલા હાથે ૨૮૨ બેઠકો સાથે બહુમતી મેળવી છે. ૨૦૧૪માં મોટાભાગના એક્ઝીટ પોલ્સે દ્ગડ્ઢછ માટે મજબૂત પ્રદર્શનનો સાચો સંકેત આપ્યો હતો.
દિલ્હીમાં વિપક્ષી ગઠબંધનની બેઠક બાદ કોંગ્રેસ અધ્યક્ષ મલ્લીકાર્જુન ખડગેએ દાવો કર્યો છે કે ભારતના ખાતામાં ૨૯૫ લોકસભા સીટો આવશે અને મોદી સરકારને સત્તા પરથી હટાવી દેવામાં આવશે. આરજેડી નેતા અને બિહારના પૂર્વ નાયબ મુખ્યમંત્રી તેજસ્વી યાદવે ખડગેના નિવેદનનો પડઘો પાડ્યો અને કહ્યું, ‘અમે ૨૯૫થી વધુ સીટો જીતીશું અને ઈન્ડીયા ગઠબંધન જીતી રહ્યું છે, દેશના લોકો જીતી રહ્યા છે.’ તે જ સમયે, સમાજવાદી પાર્ટીના વડા અને ઉત્તર પ્રદેશના ભૂતપૂર્વ મુખ્ય પ્રધાન અખિલેશ યાદવે કહ્યું, ‘૪ જૂન મંગળવાર છે અને તે મંગળવાર થવા જઈ રહ્યો છે… સમાજવાદી પાર્ટી અને ઈન્ડીયા ગઠબંધન (ઉત્તર પ્રદેશમાં) સૌથી વધુ બેઠકો મેળવશે. ‘
