(એ.આર.એલ),નવીદિલ્હી,તા.૧
લોકસભા ચૂંટણીના પરિણામ પહેલા દેશમાં ગેસ સિલિન્ડરની કિંમતો અપડેટ કરવામાં આવી છે. દેશની ઓઈલ કંપનીઓએ સતત ત્રીજા મહિને કોમર્શિયલ ગેસ સિલિન્ડરના ભાવમાં ઘટાડો કર્યો છે.આ ત્રણ મહિનામાં દેશના ચારેય મહાનગરોમાં કોમર્શિયલ ગેસ સિલિન્ડર ૧૧૯ રૂપિયાથી ૧૨૪ રૂપિયા સસ્તો થયો છે. જા જૂન મહિનાની વાત કરીએ તો ભાવ ૭૦ રૂપિયાથી ૭૨ રૂપિયા ઓછા થયા છે.
પ્રાપ્ત માહિતી અનુસાર દેશના ચારેય મહાનગરોમાં કોમર્શિયલ ગેસ સિલિન્ડરની કિંમતમાં ઘટાડો જાવા મળ્યો છે. દેશની રાજધાની દિલ્હી અને મુંબઈમાં કોમર્શિયલ ગેસ સિલિન્ડર ૬૯.૫ રૂપિયા સસ્તો થયો છે. જે બાદ બંને મહાનગરોમાં કોમર્શિયલ ગેસ સિલિન્ડરની કિંમત અનુક્રમે ૧૬૭૬ રૂપિયા અને ૧૬૨૯ રૂપિયા થઈ ગઈ છે. બીજી તરફ, કોલકાતામાં મહત્તમ ૭૨ રૂપિયાનો ઘટાડો થયો છે. જેના કારણે ભાવ ૧૭૮૭ રૂપિયા સુધી પહોંચી ગયા છે. દક્ષિણ ભારતના સૌથી મહત્વપૂર્ણ મહાનગર ચેન્નાઈમાં કોમર્શિયલ ગેસ સિલિન્ડરની કિંમતમાં ૭૦.૫નો ઘટાડો થયો છે અને કિંમત ઘટીને ૧૮૪૦.૫૦ રૂપિયા થઈ ગઈ છે.
કોમર્શિયલ ગેસ સિલિન્ડર સતત ત્રીજી વખત સસ્તા થયા છે. જા ડેટાનું માનીએ તો દેશની રાજધાની દિલ્હીમાં કિંમતોમાં ૧૧૯ રૂપિયાનો ઘટાડો થયો છે. કોલકાતામાં સૌથી વધુ ૧૨૪ રૂપિયાનો ઘટાડો જાવા મળ્યો છે. બીજી તરફ મુંબઈ અને ચેન્નાઈમાં સમાન ઘટાડો જાવા મળ્યો છે. બંને મહાનગરોમાં કોમર્શિયલ ગેસ સિલિન્ડરની કિંમતમાં ૧૦૦ રૂપિયા કરતા વધુ એટલેકે ૧૨૦ રૂપિયાનો ફેરફાર થયો છે.
સૌથી મોટો સવાલ એ છે કે શું ઘરેલુ ગેસ સિલિન્ડર સસ્તા થયા છે? આ પ્રશ્નનો જવાબ ના છે. આનો અર્થ એ નથી કે ઘરેલુ ગેસ સિલિન્ડરના ભાવમાં વધારો થયો છે. પરંતુ ૯ માર્ચ બાદથી કોઈપણ મહિનામાં ઘરેલુ ગેસ સિલિન્ડરની કિંમતમાં કોઈ ફેરફાર થયો નથી. ઘરેલું ગેસ સિલિન્ડરના ભાવમાં છેલ્લો ફેરફાર ૯ માર્ચે જાવા મળ્યો હતો. તે એલપીજીના ભાવમાં ૧૦૦ રૂપિયાનો ઘટાડો થયો હતો. જે બાદ દેશની રાજધાની દિલ્હીમાં ઘરેલુ ગેસ સિલિન્ડરની કિંમત ૮૦૩ રૂપિયા થઈ ગઈ હતી જે આજે પણ યથાવત છે. મુંબઈમાં ઘરેલું ગેસ સિલિન્ડરની કિંમત ૮૨૯ રૂપિયા, મુંબઈમાં ૮૦૨.૫૦ રૂપિયા અને ચેન્નાઈમાં ઘરેલુ ગેસ સિલિન્ડરની કિંમત ૮૧૮.૫૦ રૂપિયા છે.
