દિવાળી પહેલા નોંધપાત્ર છૂટછાટ આપતા, સુપ્રીમ કોર્ટે બુધવારે તહેવાર દરમિયાન દિલ્હી અને એનસીઆરમાં લીલા ફટાકડાના વેચાણ અને ઉપયોગને મંજૂરી આપી, ચોક્કસ શરતોને આધીન. કોર્ટે એ પણ સ્પષ્ટ કર્યું કે લીલા ફટાકડાનો ઉપયોગ દિવાળી અને તેના આગલા દિવસે ફક્ત થોડા કલાકો માટે જ થઈ શકે છે.
કોર્ટે કહ્યું કે લીલા ફટાકડાનું વેચાણ ફક્ત ૧૮ ઓક્ટોબરથી ૨૦ ઓક્ટોબર સુધી જ મંજૂરી આપવામાં આવશે. દિવાળીના આગલા દિવસે અને દિવાળીના દિવસે, ફટાકડા ફક્ત સવારે ૬ થી ૭ વાગ્યા સુધી અને રાત્રે ૮ થી ૧૦ વાગ્યા સુધી જ ફોડવાની મંજૂરી આપવામાં આવશે. આ ફટાકડા ફક્ત જિલ્લા કલેક્ટર અને પોલીસ અધિક્ષક દ્વારા સંયુક્ત રીતે નક્કી કરાયેલા સ્થળોએ જ વેચવામાં આવશે. આ સ્થળો વિશેની માહિતીનો વ્યાપકપણે પ્રચાર કરવામાં આવશે જેથી લોકોને ખબર પડે કે લીલા ફટાકડા ક્યાથી ખરીદવા.
કોર્ટે પોલીસ અને જિલ્લા વહીવટીતંત્રને સંયુક્ત રીતે પેટ્રોલિંગ ટીમો બનાવવાનો આદેશ આપ્યો છે. આ ટીમોમાં રાજ્ય પ્રદૂષણ નિયંત્રણ બોર્ડના અધિકારીઓનો પણ સમાવેશ થશે. આ ટીમો ખાતરી કરશે કે ફક્ત ઊઇ કોડવાળા લીલા ફટાકડા વેચાય. આ આદેશનું ઉલ્લંઘન કરનાર કોઈપણ દુકાનદાર અથવા કંપનીનું લાઇસન્સ રદ કરવામાં આવશે અને કાનૂની કાર્યવાહી કરવામાં આવશે.
બેરિયમ આધારિત ફટાકડા, તારવાળા ફટાકડા દ્વારા માન્ય ન હોય તેવા ફટાકડા પર સંપૂર્ણપણે પ્રતિબંધ મૂકવામાં આવશે. ઓનલાઈન (ઈ-કોમર્સ) વેબસાઇટ્સ પર ફટાકડાના વેચાણ અથવા ખરીદી પર પણ સંપૂર્ણપણે પ્રતિબંધ મૂકવામાં આવશે. સુપ્રીમ કોર્ટે ચેતવણી આપી છે કે જો નિયમોનું પાલન નહીં કરવામાં આવે તો ફરીથી સંપૂર્ણ પ્રતિબંધ લાદવામાં આવશે. કોર્ટે જણાવ્યું હતું કે તહેવારનો આનંદ મહત્વપૂર્ણ છે, પરંતુ આરોગ્ય અને સ્વચ્છ હવાનો અધિકાર વધુ મહત્વપૂર્ણ છે.
સુપ્રીમ કોર્ટે કેન્દ્ર અને રાજ્ય પ્રદૂષણ નિયંત્રણ બોર્ડને ૧૪ થી ૨૫ ઓક્ટોબર વચ્ચે હવા, માટી અને પાણીની ગુણવત્તાના અહેવાલો તૈયાર કરીને કોર્ટમાં સબમિટ કરવાનો પણ આદેશ આપ્યો હતો. કોર્ટે નિર્દેશ આપ્યો હતો કે તેના આદેશની નકલ દિલ્હી-દ્ગઝ્રઇના તમામ જિલ્લાઓના કલેક્ટરોને મોકલવામાં આવે. આ કેસમાં આગામી સુનાવણી ત્રણ અઠવાડિયા પછી થશે.
