દિવાળી નિમિત્તે દિલ્હી સહિત મોટાભાગના રાજ્યોમાં વરસાદ નહીં પડે. જાકે, હળવી ઠંડીનો અનુભવ થશે. ગુજરાત સહિત કેટલાક રાજ્યોમાં વરસાદની પ્રવૃત્તિ જાવા મળશે. દેશના મોટાભાગના ભાગોમાંથી ચોમાસું પીછેહઠ કરી ચૂક્યું છે, તેથી વરસાદની અપેક્ષા નથી.હવામાન વિભાગના જણાવ્યા અનુસાર, દિવાળી અને ગુજરાતી નવા વર્ષની આસપાસ ગુજરાતના કેટલાક ભાગોમાં હળવાથી મધ્યમ વરસાદની અપેક્ષા છે. આઇએમડીએ જણાવ્યું હતું કે ૨૦, ૨૧ અને ૨૨ ઓક્ટોબરના રોજ ડાંગ, નવસારી અને વલસાડ સહિત દક્ષિણ ગુજરાતના જિલ્લાઓમાં વાવાઝોડા સાથે હળવો થી મધ્યમ વરસાદ પડી શકે છે, જ્યારે રાજ્યના બાકીના જિલ્લાઓમાં હવામાન શુષ્ક રહેવાની ધારણા છે. ગુરુવારે ડાંગ, નવસારી અને વલસાડ તાલુકાઓમાં હળવો વરસાદ પડ્યો હતો.હવામાન વિભાગે જણાવ્યું હતું કે આગામી સાત દિવસોમાં કેરળ, તમિલનાડુ અને પુડુચેરીમાં વાવાઝોડા સાથે ભારે વરસાદ પડી શકે છે. ૧૯ અને ૨૩ તારીખ દરમિયાન તમિલનાડુ, પુડુચેરી, કરાઈકલ, કેરળ, માહે અને દક્ષિણ આંતરિક કર્ણાટકમાં હળવો થી મધ્યમ વરસાદ પડી શકે છે. છૂટાછવાયા વિસ્તારોમાં ભારે વરસાદની ચેતવણી જારી કરવામાં આવી છે. આ સમયગાળા દરમિયાન ૩૦-૪૦ કિમી પ્રતિ કલાકની ઝડપે પવન ફૂંકાશે. ૨૦ અને ૨૧ ઓક્ટોબરે આંદામાન અને નિકોબાર ટાપુઓમાં ઘણી જગ્યાએ હળવો થી મધ્યમ વરસાદ પડશે.૧૯ અને ૨૦ ઓક્ટોબરે ઓડિશામાં વરસાદ પડવાની શક્યતા છે. ૧૯-૨૧ ઓક્ટોબર દરમિયાન કોંકણ, ગોવા, મધ્ય મહારાષ્ટ્ર અને છત્તીસગઢમાં વાવાઝોડા પડશે. દિવાળી દરમિયાન આ રાજ્યોમાં વરસાદ તહેવારને બગાડી શકે છે.હવામાન વિભાગે ઉત્તર પ્રદેશમાં હવામાનમાં નોંધપાત્ર ફેરફારની આગાહી કરી છે. હવામાન વિભાગના જણાવ્યા અનુસાર, ૧૯ થી ૨૦ ઓક્ટોબર દરમિયાન ઉત્તર પ્રદેશના પશ્ચિમ અને પૂર્વ ભાગોમાં હવામાન સંપૂર્ણપણે શુષ્ક રહેવાની ધારણા છે. રાજ્યમાં ફૂંકાતા હળવા ઉત્તરપશ્ચિમ પવનોને કારણે, છેલ્લા કેટલાક દિવસોથી તાપમાનમાં સતત ઘટાડો થઈ રહ્યો છે. આનાથી રાતો દિવસો કરતાં ઠંડી બનશે. કેટલીક જગ્યાએ વાવાઝોડાની પણ શક્યતા છે.છેલ્લા ૨૪ કલાકમાં દિલ્હી અને એનસીઆરમાં તાપમાનમાં કોઈ નોંધપાત્ર ફેરફાર થયો નથી. દિલ્હીમાં મહત્તમ અને લઘુત્તમ તાપમાન અનુક્રમે ૩૦ થી ૩૨ સેલ્સિયસયસ અને ૧૭ થી ૧૮ સેલ્સિયસયસની આસપાસ રહ્યું. હાલ હવામાન સ્વચ્છ રહેવાની ધારણા છે. દિલ્હી-એનસીઆરમાં વરસાદની અપેક્ષા નથી.
