જૂની દિલ્હીમાં લાલ કિલ્લા પાસે સોમવારે થયેલા કાર બોમ્બ વિસ્ફોટમાં ૧૧ લોકો માર્યા ગયા અને ૨૯ ઘાયલ થયા. ઘાયલોને એલએનજેપી હોસ્પિટલલમાં દાખલ કરવામાં આવ્યા છે. પોલીસ આતંકવાદી કાવતરાની શક્્યતા સહિત દરેક પાસાની તપાસ કરી રહી છે. સોમવારે દિલ્હીમાં થયેલા વિસ્ફોટથી ફિલ્મ સ્ટાર્સ સહિત દરેકને આઘાત લાગ્યો. થલાપતિ વિજયથી લઈને રવિના ટંડન સુધી, બધાએ આ ઘટના પર પ્રતિક્રિયા આપી છે. રવીના ટંડને સોમવારે મોડી રાત્રે તેના ઇન્સ્ટાગ્રામ સ્ટોરી વિભાગમાં દિલ્હીમાં થયેલા વિસ્ફોટ અંગે ચિંતા અને દુઃખ વ્યક્ત કર્યું. તેની પોસ્ટમાં, રવિના ટંડને આતંકવાદી પ્રવૃત્તિનો સંકેત આપ્યો. તેની પોસ્ટમાં, રવિનાએ લખ્યું, “તેઓ ફરીથી પાછા આવી ગયા છે.” તેની એક એકસ પોસ્ટમાં, તેણે અકસ્માતમાં જીવ ગુમાવનારાઓ અને ઘાયલ થયેલા લોકો પ્રત્યે સંવેદના વ્યક્ત કરી. બીજી એક ઇન્સ્ટાગ્રામ સ્ટોરીમાં, રવિનાએ લખ્યું, “દિલ્હી વિસ્ફોટમાં પોતાના પ્રિયજનો ગુમાવનારા તમામ શોકગ્રસ્ત પરિવારો પ્રત્યે સંવેદના. એકદમ ભયાનક સમાચાર.”દક્ષિણના સુપરસ્ટાર અને રાજકારણી થલાપતિ વિજયે પણ દિલ્હી વિસ્ફોટ અંગે ચિંતા અને શોક વ્યક્ત કર્યો. તેમણે પોતાના ઠ એકાઉન્ટ પર આ અંગે એક પોસ્ટ શેર કરી. તેમણે લખ્યું, “દિલ્હીના લાલ કિલ્લા મેટ્રો સ્ટેશન નજીક કાર બોમ્બ વિસ્ફોટના સમાચારથી હું ખૂબ જ આઘાત અને દુઃખી છું. ઘણા લોકોએ પોતાના જીવ ગુમાવ્યા છે. પોતાના પ્રિયજનો ગુમાવનારા પરિવારો પ્રત્યે મારી ઊંડી સંવેદના. હું બધા ઘાયલોના ઝડપથી સ્વસ્થ થવાની કામના કરું છું.”રણબીર કપૂરની બહેન, રિદ્ધિમા કપૂર સાહનીએ પણ દિલ્હી વિસ્ફોટો પર દુઃખ વ્યક્ત કરતી ઇન્સ્ટાગ્રામ પર એક પોસ્ટ શેર કરી. તેમણે પીડિતો પ્રત્યે સંવેદના પણ વ્યક્ત કરી. રિદ્ધિમાએ પોતાની પોસ્ટમાં લખ્યું, “મારી પ્રાર્થનાઓ તેમના જીવ ગુમાવનારાઓ, તેમના પરિવારો અને ઘાયલો પ્રત્યે છે. હું લાલ કિલ્લા વિસ્ફોટથી દુઃખી છું. ભગવાન ગુનેગારોને શોધી કાઢે અને તેમને કડક સજા આપે. પ્રાર્થના અને વધુ પ્રાર્થનાઓ.”ચાવા ફેમ અભિનેતા વિનીત કુમાર સિંહે પણ દિલ્હી વિસ્ફોટો પર આઘાત અને ચિંતા વ્યક્ત કરી. તેમણે પોતાની ઇન્સ્ટાગ્રામ સ્ટોરી પર એક પોસ્ટ શેર કરીને લખ્યું, “દિલ્હીમાં બનેલી હૃદયદ્રાવક ઘટનાથી આઘાત અને ખૂબ જ દુઃખ થયું છે. મૃતકો અને પીડિતોના પરિવારો માટે પ્રાર્થના.આ ઉપરાંત અનેક ફિલ્મી હસ્તીઓએ આ ઘટનાની ટીકા કરી છે અને મૃત્યુ પામેલા લોકોને શ્રધ્ધાંજલિ અર્પીત કરી હતી
