દેશના ઘણા ભાગોમાં ભારે વરસાદ પડી રહ્યો છે. વરસાદને કારણે નદીઓ છલકાઈ રહી છે. રસ્તાઓ પર પાણી ભરાઈ ગયા છે. પર્વતોમાં ભૂસ્ખલન અને વાદળ ફાટવાનો સતત ભય છે. ભારતીય હવામાન વિભાગે આગામી બે દિવસ (૧૦-૧૧ ઓગસ્ટ ૨૦૨૫) સુધી દિલ્હી-, ઉત્તર પ્રદેશ, બિહાર, હરિયાણા, ઉત્તરાખંડ અને હિમાચલ પ્રદેશમાં ભારે વરસાદની આગાહી કરી છે. ઉત્તરાખંડ અને હિમાચલના ઘણા જિલ્લાઓ માટે રેડ એલર્ટ જારી કરવામાં આવ્યું છે.દિલ્હી-એનસીઆરમાં ભારે વરસાદ પડ્યો હતો. વરસાદ સવારે શરૂ થયો હતો, જે સાંજ સુધી ચાલુ રહ્યો. દિલ્હીના રસ્તાઓ પર પાણી જમા થઈ ગયું હતું. આવતીકાલે પણ દિલ્હી એનસીઆરમાં વરસાદની આગાહી છે. આકાશમાં કાળા વાદળો છવાયેલા છે. બે દિવસ એટલે કે રવિવાર અને સોમવાર સુધી વરસાદની આગાહી છે. દરમિયાન, દિલ્હીનું મહત્તમ તાપમાન પણ ૩૪.૫ ડિગ્રી સેલ્સીયસ અને લઘુત્તમ ૨૭.૫ ડિગ્રી સેલ્સીયસ રહેવાની આગાહી છે.
ઉત્તર પ્રદેશના ઘણા જિલ્લાઓમાં વરસાદ પડી રહ્યો છે. હવામાન વિભાગે લખનૌ, બારાબંકી, ગોરખપુર અને બહરાઇચમાં ભારે વરસાદની ચેતવણી જારી કરી છે. હવામાન વિભાગના જણાવ્યા અનુસાર, પશ્ચિમ યુપીમાં પણ વરસાદી ગતિવિધિઓ વધશે. તાપમાન ૩૦ ડિગ્રીથી નીચે રહી શકે છે.બિહારમાં ચોમાસાએ જાર પકડ્યું છે. બાંકા, ભાગલપુર, પૂર્ણિયા અને કટિહાર જેવા જિલ્લાઓમાં ભારે વરસાદની ચેતવણી આપવામાં આવી છે. સોમવારે બિહારના ઘણા જિલ્લાઓમાં વરસાદની આગાહી છે. દરમિયાન, તાપમાન ૩૦-૩૪ ડિગ્રી સેલ્સીયસ વચ્ચે રહેશે, પરંતુ ભેજવાળી ગરમી રહેશે.સોમવારે હરિયાણાના માનેસર, ઝજ્જર, રેવારી અને નુહ જેવા વિસ્તારોમાં હળવો વરસાદ અને ઝરમર વરસાદ થવાની સંભાવના છે. આ સમય દરમિયાન, ૩૦-૪૦ કિમી પ્રતિ કલાકની ઝડપે પવન ફૂંકાઈ શકે છે.
ઉત્તરાખંડ અને હિમાચલ પ્રદેશ બંને પહાડી રાજ્યોમાં ભારે વરસાદ માટે રેડ એલર્ટ જારી કરવામાં આવ્યું છે. ઉત્તરાખંડના ઘણા જિલ્લાઓમાં ભૂસ્ખલનનો ભય છે. હિમાચલમાં પણ ભારે વરસાદને કારણે સાવચેતી રાખવાની સલાહ આપવામાં આવી છે. આગામી ૪૮ કલાકમાં વાવાઝોડા સાથે મુશળધાર વરસાદ પડી શકે છે.
