દિલ્હી સરકાર ઓક્ટોબર મહિનાથી સહેલી સ્માર્ટ કાર્ડ માટે નોંધણી શરૂ કરી શકે છે. આ ગુલાબી કાર્ડ દ્વારા, મહિલાઓ અને ટ્રાન્સજેન્ડરો દિલ્હી બસોમાં મફત મુસાફરી કરી શકશે. આ કાર્ડ આજીવન માન્ય રહેશે. આ કાર્ડ બનવાથી, મહિલાઓ માટે દિલ્હીમાં કોઈપણ વિક્ષેપ વિના મુસાફરી કરવી સરળ બનશે. આ કાર્ડને ડીટીસી ની ઓટોમેટિક ભાડું કલેક્શન સિસ્ટમ દ્વારા સક્રિય કરવું પડશે.
ડીટીસી દ્વારા સીધું કોઈ કાર્ડ જારી કરવામાં આવશે નહીં. નોંધણી પછી,ડીટીસી પોર્ટલ પર કેવાયસી કરવામાં આવશે. આ પછી કાર્ડ જારી કરવામાં આવશે. સરકાર કોઈ ફી લેશે નહીં, પરંતુ બેંકો આ કાર્ડ માટે નાની ફી વસૂલ કરી શકે છે. દિલ્હીમાં મહિલાઓને હજુ પણ મફત બસ મુસાફરીની સુવિધા મળે છે, પરંતુ હવે તેમને ગુલાબી ટિકિટ આપવામાં આવે છે.
દિલ્હીમાં ૧૨ વર્ષ અને તેથી વધુ ઉંમરની મહિલાઓ અને ટ્રાન્સજેન્ડરોને તમામ ડીટીસી અને ક્લસ્ટર બસોમાં મફત મુસાફરીની સુવિધા આપવા માટે સહેલી સ્માર્ટ કાર્ડ આપવામાં આવશે. તેમાં ધારકનું નામ અને ફોટો હશે. આ સ્માર્ટ કાર્ડ નેશનલ કોમન મોબિલિટી કાર્ડ હેઠળ જારી કરવામાં આવશે. આ કાર્ડ સાથે ફક્ત ડીટીસી અને ક્લસ્ટર બસોમાં જ મફત મુસાફરી શક્ય બનશે. પરિવહનના અન્ય માધ્યમોનો ઉપયોગ કરવા માટે કાર્ડમાં રિચાર્જ અને ટોપ-અપ જરૂરી રહેશે.
આ ડિજિટલ કાર્ડ મેળવવા માટે, અરજદાર દિલ્હીનો વાસ્તવિક રહેવાસી હોવો જાઈએ અને ૧૨ વર્ષ કે તેથી વધુ ઉંમરનો હોવો જાઈએ. અરજદાર પાસે સરનામાનો માન્ય પુરાવો હોવો જાઈએ. તેમણે કેવાયસી પોર્ટલ દ્વારા ઓનલાઈન નોંધણી કરાવવી પડશે. વ્યક્તિએ ભાગ લેતી બેંક પસંદ કરવી પડશે અને પસંદ કરેલી બેંક શાખામાં સંપૂર્ણ કેવાયસી ચકાસણી પૂર્ણ કરવી પડશે. એકવાર કેવાયસી પૂર્ણ થઈ જાય, પછી બેંક અરજદારના રજિસ્ટર્ડ સરનામે સ્માર્ટ કાર્ડ મોકલશે. સ્માર્ટ કાર્ડ મેળવવા માટે આધાર કાર્ડ, પાન કાર્ડ, દિલ્હીમાં રહેઠાણનો પુરાવો, પાસપોર્ટ સાઇઝ ફોટો અને બેંક-વિશિષ્ટ કેવાયસી ધોરણો અનુસાર અન્ય દસ્તાવેજાની જરૂર પડશે.
કાર્ડ ખોવાઈ જવાના કિસ્સામાં, વપરાશકર્તાઓએ જારી કરનાર બેંકને જાણ કરવી પડશે, જે તેમના નિયમો અને શરતો અનુસાર રિપ્લેસમેન્ટ કાર્ડ પ્રદાન કરી શકે છે. ઉપયોગ કરતા પહેલા કાર્ડને ડીટીસી ની ઓટોમેટિક ફેયર કલેક્શન સિસ્ટમ ડીટીસી દ્વારા સક્રિય કરવું પડશે. જાકે કાર્ડનો ઉપયોગ ટોપ-અપ પછી પરિવહનના અન્ય માધ્યમો પર થઈ શકે છે, યોજના હેઠળ મફત મુસાફરીનો લાભ ડીટીસી અને ક્લસ્ટર બસો સુધી મર્યાદિત છે.
