યમુનાના જળસ્તરમાં રેકોર્ડબ્રેક વધારો થવાથી દિલ્હીવાસીઓની મુશ્કેલીઓ વધી છે. પાણીનું સ્તર હવે ઘટી રહ્યું હોવા છતાં, સંકટ હજુ પણ યથાવત છે. ભારે વરસાદ બાદ દિલ્હીમાં યમુના ખતરાના નિશાનથી ઉપર વહી રહી છે. નદીનો પ્રવાહ યથાવત છે. યમુનાનું જળસ્તર વધવાને કારણે ઘણા વિસ્તારોમાંસ્થિતિ વણસી ગઈ છે. નીચાણવાળા વિસ્તારોમાં રહેતા લોકોને સલામત સ્થળે ખસેડવામાં આવી રહ્યા છે. શુક્રવારે યમુના નદીના પાણીના સ્તરમાં ઘટાડો થવાને કારણે દિલ્હીના કેટલાક ભાગો જળ ભરાઈ અને પૂરનો સામનો કરી રહ્યા છે, જેના કારણે ટ્રાફિકને અસર થઈ છે. પ્રવાસીઓ તેમની મોટરસાયકલોને આઇટીઓ રોડ પર પાણીમાં ધકેલતા જાવા મળ્યા હતા, જ્યારે દિલ્હીમાં સરાય કાલે ખાન ટી-જંક્શન નજીક દ્ગૐ-૨૪ પર ભારે ટ્રાફિક જામ જાવા મળ્યો હતો.
દિલ્હીના સીએમ અરવિંદ કેજરીવાલે કહ્યું કે યમુનામાં પાણીનું સ્તર વધવાને કારણે ડીજેબીનું ઈન્દ્રપ્રસ્થ રેગ્યુલેટર તૂટી ગયું હતું, તેને રિપેર કરવાનું કામ રાતોરાત ચાલ્યું હતું. મેં તાજેતરમાં ત્યાં મુલાકાત પણ લીધી હતી. આગામી ચારથી પાંચ કલાકમાં તે ઠીક થઈ જશે તેવી ધારણા છે. સરકાર,એનડીઆરએફ અને આર્મીની ટીમો ખંતપૂર્વક કામ કરી રહી છે. અમારો પ્રયાસ છે કે પાણી શહેરની અંદર ન જાય.
દિલ્હીના ટ્રાફિકના સ્પેશિયલ સીપી સુરેન્દ્ર સિંહ યાદવે શહેરમાં પૂરની સ્થિતિ પર વાત કરી અને પરિસ્થિતિને પહોંચી વળવા મેનેજમેન્ટ દ્વારા લેવામાં આવતા પગલાં વિશે માહિતી આપી. તેમણે કહ્યું કે દિલ્હીના તમામ વિસ્તારોમાં ૪,૫૦૦ પોલીસ તૈનાત કરવામાં આવી છે. કાવડીઓની ગતિવિધિઓ પર પણ નજર રાખવામાં આવી રહી છે. કાશ્મીરી ગેટ જેવા વિસ્તારોમાં પાણીના સ્તરમાં ઘટાડો જાવા મળ્યો છે. પરંતુ વજીરાબાદ તરફનો રીંગરોડ વિસ્તાર હજુ પણ જળબંબાકાર છે. અમે પ્રયાસ કરી રહ્યા છીએ, સાંજ સુધીમાં ભૈરોન માર્ગ ખોલી દેવામાં આવશે.
દિલ્હીમાં પાણી કાપ પર દિલ્હીના મુખ્યમંત્રી અરવિંદ કેજરીવાલે કહ્યું કે પૂરને કારણે યમુનાનું પાણી પંપ રૂમ અને મશીનોમાં ઘૂસી ગયું છે. જા આપણે પ્લાન્ટ ચલાવીશું તો તેમાં કરંટ આવશે. જ્યાં સુધી પાણીનું સ્તર ઓછું ન થાય ત્યાં સુધી અને પાણીનું સ્તર ઘટ્યાના ૨૪ કલાક પછી પણ અમે મશીન ચલાવી શકતા નથી કારણ કે મશીનોને સૂકવવામાં પણ સમય લાગશે. ખામીયુક્ત ડ્રેન રેગ્યુલેટરને સુધારવા માટે આર્મી દિલ્હીના આઇટીઓ પહોંચી ગઈ છે. આર્મીએ આઈટીઓ પાસે ડ્રેનેજ નંબર ૧૨ના રેગ્યુલેટરને રિપેર કરવાની કામગીરી શરૂ કરી છે.
