છેલ્લા ૫ મહિનામાં, દેશની રાજધાની દિલ્હીમાં માર્ગ અકસ્માતમાં ૫૦૦ થી વધુ લોકોના મોત થયા છે. જો કે, જો આપણે આ આંકડાની સરખામણી વર્ષ ૨૦૨૪ સાથે કરીએ, તો માર્ગ અકસ્માતના કેસોમાં ઘટાડો થયો છે. જાકે, સત્તાવાર આંકડા કહે છે કે માર્ગ અકસ્માતોમાં દરરોજ લગભગ ચાર લોકો મૃત્યુ પામે છે.
દિલ્હી પોલીસે જણાવ્યું કે વર્ષ ૨૦૨૫ માં, જાન્યુઆરીથી મે વચ્ચે, ૨,૨૩૫ માર્ગ અકસ્માતો થયા, જેમાં ૫૭૭ લોકોએ જીવ ગુમાવ્યા અને ૨,૧૮૭ લોકો ઘાયલ થયા. જો આપણે ૨૦૨૪ ની વાત કરીએ તો, આ ૫ મહિના દરમિયાન, કુલ ૨,૩૨૨ અકસ્માતો નોંધાયા હતા અને ૬૫૨ લોકો મૃત્યુ પામ્યા હતા.
દિલ્હી દેશની રાજધાની છે, તેથી અહીં બનેલી ઘટનાઓ સમગ્ર દેશમાં ચર્ચાનો વિષય છે. આવી સ્થિતિમાં, પોલીસ સમક્ષ મોટો પડકાર એ છે કે માર્ગ અકસ્માતોને કેવી રીતે રોકવું. ગયા વર્ષની સરખામણીમાં માર્ગ અકસ્માતોમાં મૃત્યુઆંક ઘટ્યો હોવા છતાં, ઘાયલોની સંખ્યામાં વધારો પણ ચિંતાનો વિષય છે. જ્યારે ૨૦૨૪ ના પ્રથમ પાંચ મહિનામાં ફક્ત ૨,૧૦૬ લોકો ઘાયલ થયા હતા, ત્યારે આ વર્ષના પ્રથમ ૫ મહિનામાં ૨,૧૮૭ લોકો ઘાયલ થયા હતા.
માર્ચ આ વર્ષે અત્યાર સુધીનો સૌથી ભયાનક મહિનો રહ્યો છે. માર્ચમાં, દિલ્હીમાં ૧૩૭ અકસ્માતો થયા હતા, જેમાં ૧૩૯ લોકોએ જીવ ગુમાવ્યા હતા. તે જ સમયે, એપ્રિલમાં ૯૧ અકસ્માતો થયા હતા જેમાં ૪૭૬ લોકો ઘાયલ થયા હતા. મે મહિનામાં ૪૫૮ અકસ્માતો નોંધાયા હતા, જેમાંથી ૧૦૦ મોટા અકસ્માતો હતા. આમાં ૧૦૭ લોકોએ જીવ ગુમાવ્યા હતા અને ૪૫૮ લોકો ઘાયલ થયા હતા.
જા ગયા વર્ષના મે મહિનાની સરખામણી કરીએ તો, મે ૨૦૨૪માં ૪૪૭ અકસ્માતો થયા હતા, જેમાંથી ૧૨૫ અકસ્માતો મોટા હતા. આ દરમિયાન ૧૨૭ લોકોએ જીવ ગુમાવ્યા હતા. તે જ સમયે, ૨૦૨૫માં, વધુ ભયાનક અકસ્માતોમાં ઘટાડો થયો છે અને તેમાં ૧૩.૫ ટકાનો ઘટાડો જોવા મળ્યો છે.
