માલવિયા નગરમાં એક બેડ એન્ડ બ્રેકફાસ્ટ હોટલમાં ભીષણ આગ ફાટી નીકળ્યા બાદ અત્યાર સુધીમાં ઓછામાં ઓછા ૨૧ લોકોના મોત થયા છે અને ૩૭ અન્ય લોકોને બચાવી લેવામાં આવ્યા છે, જેમાંથી કેટલાકની હાલત ગંભીર છે. આગને કારણે સમગ્ર વિસ્તારમાં ગભરાટ ફેલાયો હતો, લોકો ચીસો પાડીને ભાગી રહ્યા હતા. હોટલના ભોંયરામાં આગ લાગી હતી, જેમાંથી ધુમાડાના ગોટેગોટા દેખાઈ રહ્યા હતા. આગ લાગતા જ લોકો પોતાના રૂમમાંથી બહાર દોડી આવ્યા હતા. ફાયર બ્રિગેડે તાત્કાલિક બચાવ કામગીરી શરૂ કરી હતી. કમનસીબે, આગમાં ૨૧ લોકોના મોત થયા હતા.
ઘટનાસ્થળેથી ભયાનક દ્રશ્યોમાં, બે મહિલાઓ આગ અને ગાઢ ધુમાડાથી બચવા માટે ઇમારત પરથી કૂદતી જાવા મળી હતી. તેમની સ્થીતિ તાત્કાલિક જાણી શકાઈ નથી. પરંતુ આ વીડિયોમાં, મહિલાઓ પોતાનો જીવ બચાવવા માટે કૂદતી જાઈ શકાય છે.
દિલ્હી પોલીસના જણાવ્યા અનુસાર, બુધવારે દક્ષિણ દિલ્હીના માલવિયા નગર વિસ્તારમાં લેમન ગ્રીન રેસ્ટોરન્ટમાં લાગેલી આગમાં ઓછામાં ઓછા ૨૧ લોકોના મોત થયા હતા. આ ઘટના બુધવારે વહેલી સવારે બની હતી, જ્યારે હોટલના ભોંયરામાં અચાનક આગ લાગી હતી, જેમાં ઘણા લોકો અંદર ફસાઈ ગયા હતા. ફાયર ફાઇટર તાત્કાલિક ઘટનાસ્થળે પહોંચ્યા હતા અને આગમાં ફસાયેલા લોકોને બચાવવા માટે બચાવ કામગીરી શરૂ કરી હતી. ઘાયલોને હોસ્પિટલમાં દાખલ કરવામાં આવ્યા છે. એવી શંકા છે કે ઘણા લોકો ગૂંગળામણ અને દાઝી જવાથી મૃત્યુ પામ્યા હતા.
પોલીસના જણાવ્યા અનુસાર, આજે સવારે ૮ઃ૪૮ વાગ્યે માલવિયા નગર સ્થીત આ રેસ્ટોરન્ટ-હોટલમાં આગ લાગી હોવાનો કોલ કંટ્રોલ રૂમને મળ્યો હતો. માહિતી મળતાં જ સ્થાનિક પોલીસ ટીમો તાત્કાલિક ઘટનાસ્થળે પહોંચી ગઈ હતી અને યુદ્ધના ધોરણે બચાવ અને રાહત કામગીરી શરૂ કરી હતી. સવારનો સમય હોવાથી, મોટાભાગના લોકો ગેસ્ટ હાઉસના રૂમમાં હતા, જેના કારણે ચીસો અને અંધાધૂંધી ફેલાઈ રહી હતી, લોકો બહાર ભાગવાનો પ્રયાસ કરતા રહ્યા, પરંતુ ૨૧ લોકોના મોત નિપજ્યા, જે એક દર્દનાક ઘટના હતી.
માલવિયા નગર ઘટનામાં આગ લાગનારા રેસ્ટોરન્ટ અંગે એક મોટો ખુલાસો થયો છે. રેસ્ટોરન્ટ પાસે ફાયર પરમિટ નહોતી, અને રેસ્ટોરન્ટની ઉપરના ગેસ્ટ હાઉસ પાસે ફક્ત છ રૂમ માટે પરવાનગી હતી, પરંતુ ત્યાં ૨૫ રૂમ બનાવવામાં આવ્યા હતા. આગ લાગવાના સ્થળે હાજર ૪૭ લોકોમાં ઘણા વિદેશી વિદ્યાર્થીઓનો પણ સમાવેશ થાય છે.
સાક્ષીઓએ જણાવ્યું કે સવારે જ્યારે આગ લાગી ત્યારે લોકો મદદ માટે બૂમો પાડી રહ્યા હતા. ઘણા લોકોએ ફ્લોર પર ગાદલા પાથરી હોટલમાં ફસાયેલા લોકોને મદદ કરવાનો પ્રયાસ કર્યો, પરંતુ કાચ અને બારીઓ બંધ હતી અને ખોલી શકાઈ ન હતી. વધુમાં, હોટેલમાં ફક્ત એક જ પ્રવેશ દરવાજા છે, જે ઇલેક્ટ્રોનિકલી લોક છે. આગ લાગ્યા પછી વીજળી ગુલ થતાં જ, દરવાજા સંપૂર્ણપણે લોક થઈ ગયો હતો અને ખોલી શકાતો ન હતો. લોકોએ એમ પણ જણાવ્યું કે મેક્સ હોસ્પિટલ નજીકમાં છે, અને ફક્ત મેક્સમાં સારવાર માટે આવતા લોકો જ ત્યાં રહે છે.
મેક્સ હેલ્થકેરના એક નિવેદન અનુસાર, આ ઘટના સિલિન્ડર વિસ્ફોટને કારણે થઈ હોવાની શંકા છે. દિલ્હી પોલીસે જણાવ્યું કે ઘટના બાદ, દિલ્હી ફાયર બ્રિગેડે એક વિશાળ બચાવ કામગીરી શરૂ કરી અને લોકોને બચાવવાનો પ્રયાસ કર્યો. જાકે, આગ લાગવાનું ચોક્કસ કારણ હજુ સુધી જાણી શકાયું નથી. આગ લાગવાના કારણ અંગે હજુ સુધી સત્તાવાર માહિતી જાહેર કરવામાં આવી નથી. વધુ વિગતોની રાહ જાવાઈ રહી છે. તેમણે વધુમાં જણાવ્યું હતું કે ઘટનાની માહિતી મળતાં જ, દિલ્હી ફાયર સર્વિસ, દિલ્હી પોલીસ, ડીડીએમએ, સીએટીએસ એમ્બ્યુલન્સ સર્વિસ અને અન્ય કટોકટી પ્રતિભાવ એજન્સીઓની ટીમો તાત્કાલિક સક્રિય થઈ ગઈ હતી અને બચાવ અને રાહત કામગીરી શરૂ કરવામાં આવી હતી. તેમની તાત્કાલિક કાર્યવાહીથી ઘણા લોકોને અસરગ્રસ્ત પરિસરમાંથી સુરક્ષિત રીતે બહાર કાઢવામાં આવ્યા હતા. દિલ્હી સરકાર પરિસ્થીતિ પર નજીકથી નજર રાખી રહી છે. અસરગ્રસ્ત પરિવારોને તમામ જરૂરી તબીબી સહાય અને સહાય પૂરી પાડવામાં આવી રહી છે. મુખ્યમંત્રી રેખા ગુપ્તાએ વધુમાં જણાવ્યું હતું કે, “દુઃખની આ ઘડીમાં દિલ્હી સરકાર અસરગ્રસ્ત પરિવારો સાથે મજબૂત રીતે ઉભી છે. અમે આ દુર્ઘટનાથી પ્રભાવિત લોકોને શકય તેટલી બધી સહાય પૂરી પાડવા માટે પ્રતિબદ્ધ છીએ.
આમ આદમી પાર્ટીના નેતા સોમનાથ ભારતીએ સોશિયલ મીડિયા પ્લેટફોર્મ એકસ પર એક પોસ્ટમાં આ ઘટના પર પ્રતિક્રિયા આપી. સોમનાથ ભારતીએ લખ્યું, “મારા મતવિસ્તાર, હૌઝ રાનીમાં એક બહુમાળી ઇમારતમાં આજે સવારે ૮ઃ૩૦ વાગ્યાની આસપાસ ભીષણ આગ લાગી. ઘણા લોકો ઘાયલ થયા હોવાની આશંકા છે. મોટાભાગના મૃતકો દક્ષિણ આફ્રિકાના નાગરિકો છે.મુખ્યમંત્રી રેખા ગુપ્તાએ ઘટના પર શોક વ્યક્ત કર્યો. રેખા ગુપ્તાએ સોશિયલ મીડિયા પ્લેટફોર્મ એકસ પર કહ્યું, “માલવિયા નગરમાં થયેલી ભયાનક આગની ઘટનામાં થયેલા જાનમાલના મોટા નુકસાનથી હું ખૂબ જ દુઃખી છું. શોકગ્રસ્ત પરિવારો પ્રત્યે મારી ઊંડી સંવેદના. હું ઘાયલોના ઝડપી સ્વસ્થ થવા અને આ હૃદયદ્રાવક દુર્ઘટનાથી પ્રભાવિત તમામ લોકોને શકતી અને હિંમત મળે તે માટે પ્રાર્થના કરું છું.”
