દિલ્હી કેપિટલ્સે સુપર ઓવરમાં રાજસ્થાન રોયલ્સ સામે રોમાંચક ઘરઆંગણે જીત મેળવીને સિઝનની પોતાની પાંચમી જીત નોંધાવી. રાજસ્થાને સુપર ઓવરમાં દિલ્હી કેપિટલ્સ ટીમને ૧૨ રનનો લક્ષ્યાંક આપ્યો હતો, જે તેમણે ૪ બોલમાં હાંસલ કરી લીધો હતો. આ મેચની વાત કરીએ તો, દિલ્હી કેપિટલ્સે પ્રથમ રમતા ૨૦ ઓવરમાં ૧૮૮ રન બનાવ્યા હતા, જેનો પીછો કરતી વખતે રાજસ્થાન રોયલ્સ ૨૦ ઓવરમાં ૪ વિકેટ ગુમાવીને ૧૮૮ રન જ બનાવી શકયું હતું.
મેચ સુપર ઓવરમાં ગયા પછી, રાજસ્થાને ફક્ત ૫ બોલ રમ્યા જેમાં રિયાન પરાગ અને યશસ્વી જયસ્વાલના રૂપમાં ૧૧ રન બનાવ્યા બાદ તેમની બંને વિકેટ ગુમાવી દીધી, ત્યારબાદ દિલ્હીએ કેએલ રાહુલ અને ટ્રિસ્ટન સ્ટબ્સની જાડીને લક્ષ્યનો પીછો કરવા મોકલ્યા જેમાં બંનેએ ફક્ત ૪ બોલમાં ટીમને વિજય અપાવ્યો.
દિલ્હી કેપિટલ્સ સામેની આ મેચમાં ૧૮૯ રનના લક્ષ્યાંકનો પીછો કરી રહેલી રાજસ્થાન રોયલ્સે તેમના કેપ્ટન સંજુ સેમસન અને યશસ્વી જયસ્વાલની ઓપનિંગ જાડીથી શાનદાર શરૂઆત કરી હતી, જેમાં બંને વચ્ચે પ્રથમ વિકેટ માટે ૬૧ રનની ભાગીદારી જાવા મળી હતી, જેમાં સંજુ સેમસન બેટિંગ કરતી વખતે થોડો દુખાવો અનુભવતો હતો અને તેના કારણે તે રિટાયર્ડ હર્ટ થઈને પેવેલિયન પાછો ફર્યો હતો. યશસ્વી જયસ્વાલે અહીંથી રન બનાવવાની જવાબદારી લીધી પરંતુ આ દરમિયાન રાજસ્થાનને પહેલો ફટકો રિયાન પરાગના રૂપમાં લાગ્યો જે ૮ રન બનાવીને આઉટ થયો. આ દરમિયાન, યશસ્વી જયસ્વાલે પોતાની અડધી સદી પૂર્ણ કરી પરંતુ ૫૧ રન બનાવીને આઉટ થઈ ગયો. જયસ્વાલ પેવેલિયન પરત ફર્યા બાદ, નીતિશ રાણાએ રાજસ્થાનની ઇનિંગ્સની કમાન સંભાળી.
આ મેચમાં નીતિશ રાણાએ ૫૧ રનની શાનદાર ઇનિંગ રમી હતી, જ્યારે ધ્રુવ જુરેલ ૨૬ રન બનાવીને રન આઉટ થયો હતો. રાજસ્થાન રોયલ્સને તેમની ઇનિંગ્સની છેલ્લી ઓવરમાં જીતવા માટે ૯ રનની જરૂર હતી પરંતુ મિશેલ સ્ટાર્કની શાનદાર બોલિંગને કારણે તેઓ ફક્ત ૮ રન જ બનાવી શક્યા જેના કારણે મેચ સુપર ઓવરમાં ગઈ અને બાદમાં દિલ્હી કેપિટલ્સે મેચ જીતી લીધી. દિલ્હી કેપિટલ્સ તરફથી મિશેલ સ્ટાર્કે ૪ ઓવરમાં ૩૬ રન આપીને ૧ વિકેટ લીધી અને સુપર ઓવરમાં ફક્ત ૧૧ રન આપ્યા. આ ઉપરાંત દિલ્હી તરફથી અક્ષર પટેલ અને કુલદીપ યાદવે એક-એક વિકેટ લીધી.
જા આ મેચમાં દિલ્હી કેપિટલ્સ ટીમની ઇનિંગ્સની વાત કરીએ તો અભિષેક પોરેલે ૪૯ રન બનાવ્યા હતા, આ ઉપરાંત અક્ષર પટેલે ૧૪ બોલમાં ૩૪ રન બનાવ્યા હતા જ્યારે કેએલ રાહુલે ૩૮ અને સ્ટબ્સે પણ ૩૪ રન બનાવ્યા હતા. રાજસ્થાન રોયલ્સ તરફથી જાફ્રા આર્ચરે ૨ વિકેટ લીધી જ્યારે મહેશ થીક્ષ્ણા અને વાનિન્દુ હસરંગાએ ૧-૧ વિકેટ લીધી.
