વિરાટ કોહલી અને અનુષ્કા શર્માના પરિવારનો એક સુંદર વીડિયો સામે આવ્યો છે. આ એક ખૂબ જ સુંદર વિડિઓ છે, જેમાં બંને સુંદર બાળકો પણ જોવા મળે છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં વામિકા અને અકય એકસાથે જાવા મળે છે અને પરિવાર વચ્ચેનો પ્રેમ લોકોના દિલ જીતી રહ્યો છે. વીડિયોમાં, વિરાટ અને અનુષ્કા તેમના બે બાળકો સાથે ઘરમાં પ્રવેશતા જાઈ શકાય છે, જ્યાં અનુષ્કાની માતા હાજર છે. આ વીડિયો જાયા પછી વિરાટ-અનુષ્કાના ચાહકો ખૂબ જ ઉત્સાહિત થઈ ગયા છે.
વિરાટ કોહલી અને અનુષ્કા શર્મા ઘરમાં પ્રવેશતાની સાથે જ અભિનેત્રીની માતા તેમને ખુલ્લેઆમ ગળે લગાવે છે અને બાળકોને પ્રેમથી ચુંબન કરે છે. આ દરમિયાન, અનુષ્કા અકયને ખોળામાં લઈ જતી જોવા મળે છે જેણે સફેદ ટી-શર્ટ અને લીલો પેન્ટ પહેર્યો છે. તે જ સમયે, વામિકા સફેદ ફ્રોકમાં તેના નાના ભાઈને પ્રેમથી જાઈ રહી છે. વામિકાની માસૂમિયત અને અકય પ્રત્યેનો તેનો પ્રેમ આ ક્લિપને વધુ ખાસ બનાવી રહ્યો છે. સોશિયલ મીડિયા પર ચાહકો આ ક્ષણને અત્યંત ભાવનાત્મક અને સુંદર ગણાવી રહ્યા છે. એક યુઝરે લખ્યું, ‘ઓહ! આ ખૂબ જ સુંદર ક્ષણ છે. વિરુષ્કા ખુશ = આપણે ખુશ છીએ. જ્યારે બીજાએ કહ્યું, ‘આ વીડિયો જાયા પછી મારું હૃદય લાગણીથી ભરાઈ ગયું.’
અનુષ્કા શર્મા અને વિરાટ કોહલીએ વર્ષ ૨૦૧૭ માં ઇટાલીમાં એક ખાનગી સમારંભમાં લગ્ન કર્યા હતા. આ દંપતીએ ૧૧ જાન્યુઆરી ૨૦૨૧ ના રોજ તેમની પુત્રી વામિકાનું સ્વાગત કર્યું હતું અને તાજેતરમાં ૧૫ ફેબ્રુઆરી ૨૦૨૪ ના રોજ તેમના પુત્ર અકયનું સ્વાગત કર્યું હતું. વિરુષ્કાએ હંમેશા તેમના બાળકોની ગોપનીયતાને પ્રાથમિકતા આપી છે. તે હંમેશા મીડિયાને અપીલ કરે છે કે તેના બાળકોના ફોટા શેર ન કરે. તેઓ આજ સુધી આનું ચુસ્તપણે પાલન કરી રહ્યા છે અને બાળકોને લાઈમલાઈટથી દૂર રાખે છે. સત્તાવાર રીતે, તેમણે આજ સુધી બંને બાળકોની તસવીરો ચાહકો સાથે શેર કરી નથી.
અનુષ્કા શર્મા હાલમાં ફિલ્મોથી દૂર છે, પરંતુ ટૂંક સમયમાં તે ઝુલન ગોસ્વામીની બાયોપિક ‘ચકડા એક્સપ્રેસ’માં જોવા મળશે. આ ફિલ્મ ક્રિકેટ પર આધારિત છે, પરંતુ તેની રિલીઝ તારીખ હજુ સુધી જાહેર કરવામાં આવી નથી. જ્યારે વિરાટ કોહલીએ તાજેતરમાં એક મોટી જાહેરાત કરી છે, તે ઇંગ્લેન્ડ પ્રવાસ પહેલા ટેસ્ટ ક્રિકેટમાંથી નિવૃત્તિ લઈ લીધી છે. અનુષ્કા વિશે વાત કરીએ તો, તે છેલ્લે કાલા ફિલ્મમાં એક નાનો રોલ ભજવતી જાવા મળી હતી. આ ફિલ્મ તેમના પોતાના પ્રોડક્શન હાઉસમાં બનાવવામાં આવી હતી.
