સ્વતંત્રતા દિવસ અને સ્વાતંત્ર્ય સેનાનીઓના બલિદાનની યાદમાં રવિવારે ખડગપુરમાં એક ભવ્ય ‘તિરંગા યાત્રા’નું આયોજન કરવામાં આવ્યું હતું. આ દેસ્ભક્તિ કાર્યક્રમમાં સદર ધારાસભ્ય અને પશ્ચિમ બંગાળના મંત્રી દિલીપ ઘોષ સહિત મોટી સંખ્યામાં સ્થાનિક નાગરિકોએ પણ ભાગ લીધો હતો અને ત્રિરંગાનું સન્માન કરવામાં આવ્યું હતું.
તિરંગા યાત્રા સંબંધિત કાર્યક્રમને સંબોધતા મંત્રી દિલીપ ઘોષે જણાવ્યું હતું કે કેન્દ્ર સરકારના ‘દરેક ઘરમાં તિરંગા’ અભિયાન હેઠળ આ યાત્રા સમગ્ર પશ્ચિમ બંગાળમાં યોજાવાની છે. આ અભિયાનનો મુખ્ય ઉદ્દેશ્ય રાજ્યના દરેક ઘરમાં રાષ્ટÙધ્વજ પહોંચાડવાનો છે. ઘોષે વધુમાં જણાવ્યું હતું કે ખડગપુરમાં આ કાર્યક્રમ શરૂ થઈ ગયો છે, અને હવે પશ્ચિમ બંગાળના અન્ય જિલ્લાઓમાં રેલીઓ યોજાશે. તેમણે એવી પણ જાહેરાત કરી હતી કે ૧૦ ઓગસ્ટે કોલકાતામાં એક વિશાળ તિરંગા યાત્રા યોજાશે, જેમાં હજારો લોકો ભાગ લેશે તેવી અપેક્ષા છે.
પશ્ચિમ બંગાળ સરકાર આ વખતે ‘દરેક ઘરમાં તિરંગા’ અભિયાનમાં મોટા પાયે ભાગ લઈ રહી છે. મુખ્યમંત્રી સુવેન્દુ અધિકારીએ તાજેતરમાં જાહેરાત કરી હતી કે માહિતી અને સાંસ્કૃતિક બાબતોનો વિભાગ રાજ્યભરમાં ૭૦ લાખ રાષ્ટÙધ્વજનું વિતરણ કરી રહ્યો છે. વધુમાં, ૧૦ ઓગસ્ટના રોજ કોલકાતાના મધ્ય ભાગમાં નેતાજી સુભાષ ચંદ્ર બોઝની પ્રતિમાથી શરૂ થઈને બિરલા પ્લેનેટેરિયમના ગેટ નંબર ૧ સુધી એક વિશાળ “તિરંગા રેલી” યોજાશે. આ ઐતિહાસિક કૂચમાં લગભગ ૫૦,૦૦૦ નાગરિકો એકઠા થાય તેવી અપેક્ષા છે. આ સમગ્ર કાર્યક્રમ પશ્ચિમ બંગાળ સરકાર દ્વારા સરકારી કચેરીઓ અને શૈક્ષણિક સંસ્થાઓ માટે જારી કરાયેલ માર્ગદર્શિકા અનુસાર યોજાશે.
૨૦૨૨ માં “આઝાદી કા અમૃત મહોત્સવ” ના ભાગ રૂપે વડા પ્રધાન નરેન્દ્ર મોદી દ્વારા શરૂ કરાયેલ, આ અભિયાન નાગરિકોમાં દેશભÂક્તની ભાવના જગાડવા માટે કાર્ય કરી રહ્યું છે. આ વર્ષની ઉજવણી ખાસ કરીને “વંદે માતરમ” ની ૧૫૦મી વર્ષગાંઠની ઉજવણી પર ધ્યાન કેન્દ્રિત કરશે. આ ઝુંબેશમાં જિલ્લા, બ્લોક અને પંચાયત સ્તરે બાઇક અને સાયકલ રેલી, ત્રિરંગા સંગીત કાર્યક્રમો, લાઇટિંગ સમારોહ અને “ત્રિરંગા સાથે સેલ્ફી” કાર્યક્રમો જેવી લોકપ્રિય પ્રવૃત્તિઓનો સમાવેશ થશે.
