ધોરાજી તાલુકાના તોરણીયા અને ભીયાડ ગામને જોડતા સરકારી રાજમાર્ગ પર છેલ્લા ૧૬ વર્ષથી થયેલા દબાણોને મામલતદાર અને તેમના સ્ટાફ દ્વારા દૂર કરવામાં આવ્યા હતા. આ દબાણો માર્ગની બંને તરફના ખેડૂત ખાતેદારો દ્વારા કરવામાં આવ્યા હતા, જેના કારણે રસ્તો સાંકડો બની ગયો હતો અને લોકોને અવરજવરમાં મુશ્કેલી પડતી હતી.
આ સમસ્યા અંગે રમેશભાઈ મનજીભાઈ આસોદરીયા દ્વારા તાલુકા સ્વાગત કાર્યક્રમમાં રજૂઆત કરવામાં આવી હતી. તેમની રજૂઆતને પગલે તંત્ર દ્વારા તાત્કાલિક કાર્યવાહી હાથ ધરવામાં આવી હતી. આ દબાણો હટાવવાથી તોરણીયા ગામના ૫૦થી વધુ ખેડૂતોને ચોમાસા દરમિયાન નોંધપાત્ર ફાયદો થશે, કારણ કે હવે માર્ગ ખુલ્લો અને પહોળો બન્યો છે.
