દિલ્હી-એનસીઆર સહિત સમગ્ર ઉત્તર ભારત આ દિવસોમાં તીવ્ર ઠંડીનો સામનો કરી રહ્યું છે. ધુમ્મસની સાથે કાતિલ ઠંડીએ લોકોની મુશ્કેલીમાં વધારો કર્યો છે. ઓછી વિઝિબિલિટીના કારણે ટ્રેન અને ફ્લાઈટને પણ અસર થઈ રહી છે. આગામી ૨-૩ દિવસ સુધી લોકોને કડકડતી ઠંડીનો સામનો કરવો પડશે. પહાડોમાં થઈ રહેલી હિમવર્ષાને કારણે મેદાની વિસ્તારોમાં ઠંડીમાં વધારો થયો છે. ત્યાંથી આવતી ઠંડી હવા પણ દિવસના તાપમાનને ઠંડક આપી રહી છે. ઉત્તર પ્રદેશમાં ધુમ્મસની પરિસ્થિતિ સહિત વિવિધ કારણોસર દેશના વિવિધ ભાગોમાંથી દિલ્હી આવતી ૨૬ જેટલી ટ્રેનો મોડી ચાલી રહી છે.
પ્રાદેશિક હવામાન વિભાગ દ્વારા ગુરુવાર માટે યલો એલર્ટ જારી કરવામાં આવ્યું છે. પહાડો પર હિમવર્ષાથી રાજધાનીમાં ઠંડી વધી રહી છે. ગુરુવારે તાપમાનનો પારો નીચો જશે, જે દરમિયાન લઘુત્તમ તાપમાન ૭ ડિગ્રી અને મહત્તમ તાપમાન ૧૭ ડિગ્રી રહેવાની શક્યતા છે. આકાશ સ્વચ્છ રહેશે અને સવારે હળવાથી મધ્યમ ધુમ્મસની શક્યતા છે. આઇએમડી અનુસાર, ઉત્તર પ્રદેશ, ચંદીગઢ, રાજસ્થાન, બિહારમાં ખૂબ ગાઢ ધુમ્મસ, મધ્ય પ્રદેશ અને તિપુરામાં ગાઢ ધુમ્મસ અને જમ્મુ વિભાગમાં મધ્યમ ધુમ્મસ હતું. બીજી તરફ, સવારે ૫.૩૦ વાગ્યે બરેલીમાં ૨૫ મીટર, લખનૌમાં ૨૫ મીટર, બહરાઈચમાં ૨૫ મીટર, પ્રયાગરાજમાં ૫૦ મીટર, વારાણસીમાં ૫૦ મીટર, ગોરખપુરમાં ૨૦૦ મીટર, સુલતારપુર પ્રદેશમાં ૨૦૦ મીટર વિઝિબિલિટી નોંધાઈ હતી. તે જ સમયે, ચંડીગઢમાં ૨૫ મીટર, સફદરજંગમાં ૫૦૦ મીટર, પાલમમાં ૭૦૦ મીટર, રાજસ્થાનના બિકાનેરમાં ૨૫ મીટર, જેસલમેરમાં ૫૦ મીટર, કોટામાં ૫૦ મીટર, જયપુરમાં ૫૦ મીટર, જયપુરમાં ૨૦૦ મીટર વિઝિબિલિટી નોંધાઈ હતી. આ સિવાય બિહારના ગયામાં ૨૫ મીટર, પૂર્ણિયામાં ૨૫ મીટર અને પટનામાં ૨૦૦ મીટર વિઝિબિલિટી નોંધાઈ હતી. સાગરમાં ૫૦ મીટર, ભોપાલમાં ૨૦૦ મીટર, સતનામાં ૨૦૦ મીટર, અગરતલામાં ૫૦ મીટર અને મધ્યપ્રદેશમાં જમ્મુમાં ૨૦૦ મીટર વિઝિબિલિટી નોંધાઈ હતી.
જમ્મુ-કાશ્મીર અને હિમાચલ પ્રદેશના શિખરો પર ભારે હિમવર્ષા અને તેમાંથી આવતા ઠંડા પવનોને કારણે સમગ્ર ઉત્તર ભારતમાં પીગળવાનું પ્રમાણ વધી ગયું છે. હવામાન વિભાગે આગાહી કરી છે કે હજુ બે-ત્રણ દિવસ સુધી આ જ પરીસ્થતિ રહેશે. બુધવાર સવારથી પ્રયાગરાજ અને વારાણસી સહિત પૂર્વ ઉત્તર પ્રદેશના કેટલાક વિસ્તારોમાં વરસાદ પડી રહ્યો છે અને જા ઉત્તર-પશ્ચિમ ભારતને તેની અસર થશે તો ઠંડીમાં હજુ વધારો થવાની ખાતરી છે.
ગાઢ ધુમ્મસના કારણે ટ્રેનોની ગતિ ખોરવાઈ ગઈ છે. ગાઢ ધુમ્મસને કારણે મોટાભાગની લાંબા અંતરની ટ્રેનો છથી આઠ કલાક મોડી ચાલી રહી છે. જેના કારણે મુસાફરોને મુશ્કેલીનો સામનો કરવો પડી રહ્યો છે. બુધવારે ૭૫ થી વધુ ટ્રેનોની અવરજવર ધીમી રહી હતી.
