રશિયા અને યુક્રેન વચ્ચે ચાલી રહેલા યુદ્ધને ૧૦૧ દિવસ પૂરા થયા છે. યુદ્ધના ભયાનક તબાહી અને શોકના વાતાવરણ વચ્ચે યુક્રેનમાં ૪૮,૦૦૦ થી વધુ બાળકોનો જન્મ થયો છે. આ યુદ્ધ કેટલો સમય ચાલશે તે કોઈ જોણતું નથી. રશિયાના યુદ્ધની શરૂઆતથી યુક્રેનમાં ૪૮,૦૦૦ થી વધુ બાળકોનો જન્મ થયો છે. યુક્રેનના આરોગ્ય મંત્રાલયે ૨ જૂનના રોજ એક નિવેદનમાં જણાવ્યું હતું કે ૨૪ ફેબ્રુઆરીથી સૌથી વધુ બાળકોનો જન્મ લ્વિવ, નીપ્રોપેટ્રોવસ્ક અને ઓડેસા ઓબ્લાસ્ટમાં થયો છે.
દરમિયાન, યુક્રેનની સેનાએ દક્ષિણ યુક્રેનમાં રશિયન દળો સામે જવાબી કાર્યવાહી કરી છે. યુક્રેનના ઓપરેશનલ કમાન્ડ દક્ષિણે ૨ જૂનના રોજ અહેવાલ આપ્યો હતો કે તેણે ૨૪ રશિયન સૈનિકોને મારી નાખ્યા છે અને એક રશિયન ટેન્ક, ચાર ૧૫૨-એમએમ હોવિત્ઝર અને ચાર લશ્કરી વાહનોનો નાશ કર્યો છે. યુક્રેનમાં ૫૦ વિદેશી દૂતાવાસોએ કિવમાં ફરીથી કામ શરૂ કર્યું છે. રાષ્ટ્રપતિ વોલોડીમિર ઝેલેન્સકીએ ૨ જૂનના રોજ એક સંબોધનમાં કહ્યું હતું કે આ ફક્ત વ્યવહારિક હેતુઓ માટે જ નહીં, પરંતુ પ્રતીકાત્મક રીતે પણ મહત્વપૂર્ણ સમાચાર છે. ઝેલેન્સકીએ કહ્યું, “દરેક નવી એમ્બેસી જે અમારી રાજધાનીમાં પરત આવે છે તે
અમારી જીતમાંના અમારા વિશ્વાસનો પુરાવો છે.”
રશિયન સેનાએ ડોનબાસ ક્ષેત્રમાં ૩૦ વસાહતો પર ગોળીબાર કર્યો, જેમાં ૫ નાગરિકો માર્યા ગયા. તાજેતરના અપડેટમાં, યુક્રેનના સંયુક્ત દળોના ઓપરેશન્સે અહેવાલ આપ્યો છે કે રશિયન દળોએ છેલ્લા ૨૪ કલાકમાં ડોનેટ્‌સક અને લુહાન્સ્ક પ્રદેશોમાં ૪૨ રહેણાંક ઇમારતો, બે ફેક્ટરીઓ અને કેટલાક સ્થાનિક અગનીશામક વાહનો સહિત ૫૨ માળખાગત સુવિધાઓને નુકસાન પહોંચાડ્યું છે.
૨૪ ફેબ્રુઆરીથી અત્યાર સુધીમાં ૫ મિલિયનથી વધુ યુક્રેનિયનો ઈેં છોડીને ભાગી ગયા છે. યુદ્ધના છેલ્લા ૯૯ દિવસોમાં ઓછામાં ઓછા ૫.૩ મિલિયન યુક્રેનિયન નાગરિકો યુરોપિયન યુનિયનમાં ભાગી ગયા છે. યુરોપિયન બોર્ડર અને કોસ્ટ ગાર્ડ એજન્સી ફ્રન્ટેક્સના જણાવ્યા અનુસાર, તાજેતરના અઠવાડિયામાં દેશ છોડવા કરતાં વધુ લોકો યુક્રેન પરત ફરી રહ્યા છે. ૨૫-૩૧ મેની વચ્ચે, લગભગ ૨૬૦,૦૦૦ યુક્રેનિયનોએ ઈેં દેશો છોડી દીધા. યુદ્ધ શરૂ થયું ત્યારથી કુલ ૨.૩ મિલિયન યુક્રેનિયનો યુક્રેન પરત ફર્યા છે.
વોશિંગ્ટન પોસ્ટના અહેવાલ મુજબ રશિયન સૈનિકોએ ચોર્નોબિલ પરમાણુ પ્લાન્ટમાં ૯ કામદારોની હત્યા કરીને સાધનોની ચોરી કરી છે. ચેર્નોબિલ એક્સક્લુઝન ઝોનના ડિરેક્ટર યેવાન ક્રામરેન્કોએ જણાવ્યું હતું કે રશિયનોએ લગભગ ૭૦૦ કમ્પ્યુટર્સ, ૩૪૪ વાહનો, ૧,૫૦૦ રેડિયેશન ડોસિમીટર અને અગનીશામક સાધનો સહિત લગભગ ઇં૧૩૫ મિલિયનના સાધનોની ચોરી કરી હતી. વધુમાં, તેઓએ ૩૧ માર્ચે પ્લાન્ટ છોડતા પહેલા પાંચ મજૂરોનું અપહરણ કર્યું હતું.