લિવૂડના ‘વિકી ડોનર’ આયુષ્માન ખુરાનાની વર્ષ ૨૦૧૯માં રિલીઝ થયેલી ફિલ્મ ‘ડ્રીમ ગર્લ’ યાદ હશે. હાપએ જ ફિલ્મ જેમાં બેરોજગાર આયુષ્માન ખુરાના કોલ સેન્ટરમાં કોલ ગર્લના રોલમાં જોવા મળ્યો હતો. ફિલ્મમાં આયુષ્માન ખુરાનાએ ચાહકોને હસાવ્યા હતા. હવે આયુષ્માન ખુરાનાના ચાહકો માટે સારા સમાચાર છે કે આ ફિલ્મ ‘ડ્રીમ ગર્લ-૨’ની સિક્વલ આવી રહી છે. પરંતુ આ વખતે આયુષ્માન ખુરાના અભિનેત્રી નુસરત ભરૂચા સાથે નહીં પરંતુ સારા અલી ખાન સાથે જોવા મળશે.
રિપોર્ટ્‌સ અનુસાર, આયુષ્માનની કોમેડી-ડ્રામા ફિલ્મ ‘ડ્રીમ ગર્લ’ની સિક્વલ માટે સારા અલી ખાનનો સંપર્ક કરવામાં આવ્યો છે. મેકર્સ ફિલ્મની સ્ક્રિપ્ટ પ્રમાણે યુવા અભિનેત્રીને લેવા માંગે છે. આ માટે, મેકર્સ સ્ક્રિપ્ટ અનુસાર, સારા અલી ખાનને યોગ્ય લાગે છે. મેકર્સ સારાની તરફથી હાની રાહ જોઈ રહ્યા છે.
જો સારા અલી ખાન આ ફિલ્મ માટે સંમત થશે, તો આ પ્રથમ વખત હશે કે આયુષ્માન ખુરાના અને સારા સ્ક્રીન પર રોમાન્સ કરતા જોવા મળશે. મીડિયા અનુસાર, આ વર્ષના અંત સુધીમાં ફિલ્મ ફ્લોર પર જશે. રાજ શાંડિલ્યા આ વખતે પણ ફિલ્મનું નિર્દેશન કરવા જઈ રહ્યા છે.
આપને જણાવી દઈએ કે, સારા છેલ્લે ફિલ્મ ‘અતરંગી રે’માં જોવા મળી હતી. આ ફિલ્મ ગયા વર્ષે રિલીઝ થઈ હતી. તે જ સમયે, સારા અલી ખાન લક્ષ્મણ ઉતેકરની ફિલ્મ ‘ગેસલાઇટ’માં વિકી કૌશલ સાથે જોવા મળશે.
આયુષ્માનની પાછલી ફિલ્મ ‘અનેક’ રિલીઝ થઈ હતી, જે બોક્સ ઓફિસ પર ફ્લોપ સાબિત થઈ હતી. ‘ડ્રીમ ગર્લ ૨’ સિવાય આયુષ્માન ફિલ્મ ‘ડાક્ટર જી’માં રકુલ પ્રીત સિંહ અને શેફાલી શાહ સાથે કામ કરતો જોવા મળશે.