નોબેલ પુરસ્કાર નકાર્યા પછી પણ યુએસ રાષ્ટ્રપતિ ડોનાલ્ડ ટ્રમ્પ નિરાશ થયા નથી. તેમણે વિશ્વભરમાં ઘણા યુદ્ધો સમાપ્ત કરવાનો શ્રેય લીધો છે. ટ્રમ્પે ફરી એકવાર ભારત અને પાકિસ્તાન વચ્ચેના યુદ્ધને રોકવાનો દાવો કર્યો છે. રવિવારે રાત્રે, તેમણે કહ્યું કે તેમણે વિશ્વના ઘણા જૂના વિવાદોનો ઉકેલ શોધવામાં મુખ્ય ભૂમિકા ભજવી છે. તેમણે અત્યાર સુધીમાં સાત યુદ્ધો અટકાવ્યા છે, જેમાં ભારત અને પાકિસ્તાન વચ્ચેનો વિવાદ પણ સામેલ છે. જાકે, તેમણે એમ પણ કહ્યું કે તેમણે આ બધું નોબેલ શાંતિ પુરસ્કાર જીતવા માટે કર્યું નથી. ટ્રમ્પે ગાઝા શાંતિ વાટાઘાટો માટે ઇજિપ્તની યાત્રા દરમિયાન એરફોર્સ વન પર એક પ્રેસ કોન્ફરન્સ દરમિયાન આ નિવેદન આપ્યું હતું.ડોનાલ્ડ ટ્રમ્પે કહ્યું હતું કે તેમણે કેટલાક યુદ્ધોનો ઉકેલ ફક્ત ટેરિફ દ્વારા જ કર્યો છે. ઉદાહરણ તરીકે, જ્યારે ભારત અને પાકિસ્તાન વચ્ચે સંઘર્ષ શરૂ થયો, ત્યારે તેમણે કહ્યું, “જા તમે યુદ્ધ લડવા માંગતા હો અને તમારી પાસે પરમાણુ શસ્ત્રો હોય, તો હું તમારા બંને પર ૧૦૦ ટકા, ૧૫૦ ટકા અને ૨૦૦ ટકા જેવા ઊંચા ટેરિફ લાદીશ.” મેં કહ્યું, “હું ટેરિફ લાદી રહ્યો છું.” મેં ૨૪ કલાકમાં તે બાબતનો ઉકેલ લાવ્યો. જા મારી પાસે ટેરિફ ન હોત, તો તમે ક્યારેય તે યુદ્ધનો ઉકેલ લાવી શક્યા ન હોત.ડોનાલ્ડ ટ્રમ્પે અગાઉ ૯ ઓક્ટોબરના રોજ ફોક્સ ન્યૂઝ સાથેની એક મુલાકાતમાં આવી જ ટિપ્પણીઓ કરી હતી, જેમાં સંઘર્ષના ઉકેલને તેમની ટેરિફ વ્યૂહરચના સાથે જાડવામાં આવ્યો હતો. યુદ્ધરત દેશોને વાટાઘાટો માટે કેવી રીતે રાજી કર્યા તે અંગેના પ્રશ્નના જવાબમાં ટ્રમ્પે કહ્યું, “ટેરિફ લાદવાની ક્ષમતાએ વિશ્વમાં શાંતિ લાવી છે. તમે જાણો છો કે મેં સાત શાંતિ કરાર કર્યા છે.” તેમણે નોંધ્યું કે દેશો ઘણા વર્ષોથી લડી રહ્યા છે, જેના કારણે બંને દેશોને નોંધપાત્ર નુકસાન થયું છે. તેમણે ભારપૂર્વક જણાવ્યું કે તેમના વેપાર લાભનો ઉપયોગ કરવાથી દુશ્મનાવટનો અંત લાવવામાં મદદ મળી. ટ્રમ્પે કહ્યું, “બધા કિસ્સાઓમાં નહીં, પરંતુ અમે અત્યાર સુધી કરેલા સાત (શાંતિ કરારો)માંથી ઓછામાં ઓછા પાંચ વેપાર દ્વારા થયા છે, એટલે કે અમે લડનારાઓ સાથે વાટાઘાટો કરીશું નહીં. અમે તે લોકો પર ટેરિફ લાદીશું.”ટ્રમ્પે એમ પણ કહ્યું કે તેમનો ધ્યેય નોબેલ શાંતિ પુરસ્કાર જીતવાનો નહોતો. તેમણે કહ્યું, “આ કરવું મારા માટે સન્માનની વાત છે. કેટલાક લોકો કહે છે કે ૨૦૨૫ માં ઘણી મહત્વપૂર્ણ બાબતો બની છે, પરંતુ મેં આ નોબેલ માટે નથી કર્યું, મેં તે જીવન બચાવવા માટે કર્યું.” ભારતે સતત સ્પષ્ટતા કરી છે કે ઓપરેશન સિંદૂર અને ત્યારબાદના યુદ્ધવિરામમાં અમેરિકાની કોઈ ભૂમિકા નહોતી.ગાઝામાં શાંતિ મંત્રણા અંગે ટ્રમ્પે કહ્યું, “આ ખૂબ જ ખાસ સમય હશે. દરેક વ્યક્તિ આ ક્ષણ માટે ઉત્સાહિત છે.” જ્યારે તેમને પૂછવામાં આવ્યું કે શું તેમને વિશ્વાસ છે કે ઇઝરાયલ અને હમાસ વચ્ચેનો સંઘર્ષ સમાપ્ત થઈ ગયો છે, ત્યારે ટ્રમ્પે કહ્યું, “યુદ્ધ સમાપ્ત થઈ ગયું છે.” તેમણે આગળ કહ્યું, “આ એક ખાસ ઘટના છે. સામાન્ય રીતે, જા એક પક્ષ ખુશ હોય, તો બીજા નથી. આ પહેલી વાર છે જ્યારે દરેક વ્યક્તિ આશ્ચર્યચકિત અને રોમાંચિત થાય છે, અને તેનો ભાગ બનવું એ સન્માનની વાત છે. આપણે એક અદ્ભુત સમય પસાર કરવા જઈ રહ્યા છીએ, અને તે પહેલા ક્યારેય ન હોય તેવી ક્ષણ હશે.” ડોનાલ્ડ ટ્રમ્પે કહ્યું કે દરેક વ્યક્તિ ખુશ છે, પછી ભલે તે યહૂદી હોય, મુસ્લિમ હોય કે આરબ દેશો.
