અમેરિકાના પ્રભાવશાળી અને જાણીતા એકટીવિસ્ટ ચાર્લી કિર્કનું ગોળી વાગવાથી મોત થયું છે. ઉટાહ વેલી યુનિવર્સિટીમાં એક કાર્યક્રમ દરમિયાન તેમને ગોળી વાગી હતી. આ ઘટનાની પુષ્ટિ ખુદ અમેરિકાના રાષ્ટ્રપતિ ડોનાલ્ડ ટ્રમ્પે કરી છે. ટ્રમ્પે આ સમાચાર સોશિયલ મીડિયા પર શેર કર્યા અને કિર્ક પ્રત્યે ઊંડો દુઃખ અને આદર વ્યક્ત કર્યો. તેમણે કિર્કને ‘મહાન અને અત્યાર સુધીના સૌથી મહાન’ વ્યક્તિ તરીકે વર્ણવ્યા જે અમેરિકાના યુવાનોને શ્રેષ્ઠ રીતે સમજતા હતા. ટ્રમ્પે કિર્કના પરિવાર અને ખાસ કરીને તેમની પત્ની એરિકા પ્રત્યે પણ સંવેદના વ્યક્ત કરી છે. તેમના સન્માનમાં, ટ્રમ્પે અમેરિકન ધ્વજને નીચે ઉતારવાનો આદેશ આપ્યો છે.
રાષ્ટ્રપતિ ડોનાલ્ડ ટ્રમ્પે તેમના સોશિયલ મીડિયા પર એક પોસ્ટ દ્વારા ચાર્લી કિર્કના નિધનના સમાચાર આપ્યા. આ સમાચાર મળતાની સાથે જ અમેરિકાના રાજકીય કોરિડોરમાં અને કિર્કના સમર્થકોમાં શોક છવાઈ ગયો. ચાર્લી કિર્કે ટ‹નગ પોઇન્ટ યુએસએની સ્થાપના કરી, જે યુવાનોને રૂઢિચુસ્ત વિચારો સાથે જાડવાનું કામ કરે છે. તેઓ તેમના સ્પષ્ટવક્તા મંતવ્યો અને પ્રભાવશાળી ભાષણો માટે જાણીતા હતા. તેમના કાર્યક્રમોમાં યુવાનોની વિશાળ ભીડ એકઠી થતી હતી, જેનો અંદાજ તેમની લોકપ્રિયતા પરથી લગાવી શકાય છે.
ટ્રમ્પે કિર્કના સન્માનમાં બીજી એક મહત્વપૂર્ણ જાહેરાત પણ કરી. તેમણે કહ્યું કે, ચાર્લી કિર્ક, એક સાચા મહાન અમેરિકન દેશભક્ત” ના સન્માનમાં, રવિવારે સાંજે ૬ વાગ્યા સુધી અમેરિકામાં તમામ અમેરિકન ધ્વજ અડધી કાઠીએ ફરકાવવામાં આવશે.
