(એ.આર.એલ),કોટા,તા.૧૧
રાજસ્થાનના કોટામાં આયોજિત ઈદે મિલાદુન્નબી કોન્ફરન્સમાં ઘણા મોટા નિર્ણયો લેવામાં આવ્યા હતા. સૌથી મોટો નિર્ણય એ છે કે લગ્નમાં ક્યાંય ડીજે નહીં વાગશે. ડીજે વગાડે અને નાચશે તો નિકાહ ભણાવવામાં આવશે નહીં. લગ્નજીવનમાં અજાણતાં આવી ઘટના બને તો પણ પસ્તાવો અને ક્ષમા પછી જ નિકાહ થશે. બધા કાઝીઓ કે મૌલવીઓ આ વ્યવસ્થા અમલમાં મૂકશે. જા કોઈ કાઝી કે મૌલવી બધું જાણતા હોવા છતાં નિકાહ કરે છે તો તેનો સામાજિક બહિષ્કાર કરવામાં આવશે.
તેવી જ રીતે લગ્ન કે ફંક્શનમાં ફટાકડા ફોડવાનો બહિષ્કાર કરવાનો નિર્ણય લેવામાં આવ્યો છે. ઈદે મિલાદુન્નબી કોન્ફરન્સનું આયોજન તનઝીમ ઉલેમા અને અઈમ્મા-એ-મસાજિદ અને ઓલ ઈÂન્ડયા મિલાદ કાઉન્સલ યુનિટ, કોટાના સૌજન્યથી કરવામાં આવ્યું હતું. આ કાર્યક્રમ તનઝીમના પ્રમુખ સૈયદ તફઝલુર રહેમાન દ્વારા સ્પોન્સર કરવામાં આવ્યો હતો. મીલાદ કાઉન્સલના રાજ્ય પ્રમુખ મૌલાના ફઝલે હકે તેની અધ્યક્ષતા કરી હતી. આ કાર્યક્રમમાં દેશભરમાંથી મોટી સંખ્યામાં ઉલેમા અને મસ્જદના ઈમામોએ ભાગ લીધો હતો.આ સંમેલનને બરેલીના મૌલાના ઝિક્રુલ્લાહ અને મુંબઈ મહારાષ્ટના મૌલાના સૈયદ કાદરીએ સંબોધન કર્યું હતું. હાફિઝ મુસ્તકીમે નાત રજૂ કરી હતી. આ કોન્ફરન્સ દરમિયાન તનઝીમ સેક્રેટરી મૌલાના કમરુદ્દીન અશરફીએ સામાજિક સુધારાની દિશામાં કેટલાક પ્રસ્તાવ મૂક્યા હતા. તેમણે કહ્યું કે, ડીજે, ફટાકડા અને શોભાયાત્રામાં મહિલાઓની ભાગીદારીનો વિરોધ થવો જાઈએ. તેમણે શહેર અને મહોલ્લા સરઘસ સમિતિઓને આ દુષ્ટ પ્રથાઓને તાત્કાલિક અસરથી બંધ કરવા વિનંતી કરી છે. તેમની દરખાસ્તને તમામ વિદ્વાનો અને મહાનુભાવોએ ટેકો આપ્યો હતો અને કહ્યું હતું કે આ સિસ્ટમનો કડક અમલ કરવામાં આવશે.એટલું જ નહીં, જે પણ કાઝી નિકાહ કરતી વખતે આ વ્યવસ્થાનું ઉલ્લંઘન કરશે તેનો સામાજિક બહિષ્કાર કરવામાં આવશે. આ પ્રસંગે બધાએ સર્વસંમતિથી વકફ સુધારા બિલ ૨૦૨૪નો વિરોધ કર્યો હતો. આ મામલો હાલમાં જેપીસીમાં વિચારણા હેઠળ છે. ઉલેમાઓએ કહ્યું કે વકફ માટે આવો કાયદો બનાવવો જાઈએ, જેથી તેની આવક વધી શકે અને આ આવકનો ઉપયોગ સમાજને શિક્ષિત કરવા અને ગરીબોને મદદ કરવા માટે થઈ શકે. કોન્ફરન્સના કો-ઓર્ડિનેટર મોઈનુદ્દીન અને જાવેદ જિલાનીએ જણાવ્યું કે આ મહિને ઓલ ઈન્ડયા ઈદ મિલાદુન્નબી કોન્ફરન્સનું આયોજન કરવામાં આવનાર છે. આ કાર્યક્રમ દશેરા ગ્રાઉન્ડમાં યોજાશે અને તેમાં દેશભરના ઉલેમાઓ વક્તવ્ય આપશે.
