સુપ્રીમ કોર્ટે રાજસ્થાનના ફલોદી અને આંધ્રપ્રદેશના શ્રીકાકુલમમાં થયેલા મોટા માર્ગ અકસ્માતો પર સ્વતઃ સંજ્ઞાન લીધું છે, ચિંતા વ્યક્ત કરી છે. બંને અકસ્માતોમાં ૧૮ અને ૧૯ લોકોના મોત થયા હતા. આ કેસની સુનાવણી જસ્ટીસ જે.કે. મહેશ્વરી અને વિજય વિશ્નોઈની બનેલી બેન્ચ દ્વારા કરવામાં આવી હતી. સુપ્રીમ કોર્ટે એનએચએઆઇ અને પરિવહન મંત્રાલય પાસેથી રિપોર્ટ માંગ્યો છે. સુપ્રીમ કોર્ટે એમ પણ કહ્યું છે કે ખાડાઓ અને રસ્તાની નબળી જાળવણી અકસ્માતોનું કારણ બને છે. હાઇવે અકસ્માતો અંગેના એક કેસની સુનાવણી દરમિયાન, સુપ્રીમ કોર્ટે જણાવ્યું હતું કે હાઇવે પર ચાલતા અનધિકૃત ઢાબા મોટા અકસ્માતોમાં ફાળો આપી રહ્યા છે. ટ્રકો ત્યાં રોકાઈ જાય છે, અને ઝડપી વાહનો પાર્ક કરેલી ટ્રકો જાઈ શકતા નથી, જેના કારણે જીવલેણ અથડામણ થાય છે. કોર્ટે એમ પણ કહ્યું હતું કે ટોલ વસૂલવામાં આવતો હોવા છતાં, રસ્તો ખરાબ સ્થિતિમાં છે. ખાડાઓ અને રસ્તાની નબળી જાળવણી પણ અકસ્માતોનું કારણ બની રહી છે.સુપ્રીમ કોર્ટે આ બાબતે એનએચએઆઇ અને પરિવહન મંત્રાલય પાસેથી રિપોર્ટ માંગ્યો છે. સુપ્રીમ કોર્ટે નેશનલ હાઇવે ઓથોરિટી ઓફ ઇન્ડિયા અને રોડ ટ્રાન્સપોર્ટ મંત્રાલયને બે અઠવાડિયામાં રિપોર્ટ રજૂ કરવાનો આદેશ આપ્યો છે. સુપ્રીમ કોર્ટે પૂછ્યું છે કે હાઇવેની જમીન પર અથવા પરવાનગી વિના કેટલા ઢાબા આવેલા છે જે બે હાઇવે પર અકસ્માતો થયા છે સુનાવણી દરમિયાન, સુપ્રીમ કોર્ટે હાઇવેની સ્થિતિનો પણ ઉલ્લેખ કર્યો. સુપ્રીમ કોર્ટે પૂછ્યું કે જાળવણી દરમિયાન કોન્ટ્રાક્ટર દ્વારા કયા નિયમોનું પાલન કરવામાં આવ્યું હતું અને શું ધોરણો પૂર્ણ કરવામાં આવ્યા હતા. સુપ્રીમ કોર્ટે સ્પષ્ટપણે જણાવ્યું હતું કે હાઇવે પર આવી અનિયમિતતાઓ જાનહાનિ તરફ દોરી રહી છે અને તેને તાત્કાલિક નિયંત્રિત કરવાની જરૂર છે.
