પંજાબના મુખ્યમંત્રી ભગવંત માનએ શ્રદ્ધાળુઓ માટે કરતારપુર કોરિડોર ખોલવાની માંગ કરી છે. તેમણે બુધવારે ગુરુ નાનક દેવની જન્મજયંતિ પર અમૃતસરના સુવર્ણ મંદિરમાં દર્શન કર્યા. આ દરમિયાન, તેમણે કેન્દ્ર સરકારને કરતારપુર કોરિડોર ફરીથી ખોલવા વિનંતી કરી. સુવર્ણ મંદિરમાં પત્ની ગુરપ્રીત કૌર સાથે પહોંચેલા માનએ પત્રકારોને જણાવ્યું હતું કે તેમણે પંજાબમાં પ્રગતિ, શાંતિ અને સુમેળ માટે પ્રાર્થના કરી છે.કરતારપુર કોરિડોર ફરીથી ખોલવા અંગેના પ્રશ્નના જવાબમાં મુખ્યમંત્રીએ માંગ કરી હતી કે કેન્દ્ર સરકારે કોઈના પત્ર લખવાની રાહ જાયા વિના તેને જાતે ખોલવું જાઈએ. માનએ કહ્યું, “જ્યારે તેમની (પાકિસ્તાન) સાથે ક્રિકેટ મેચ રમાઈ રહી છે અને ગુજરાત દ્વારા વેપાર ચાલુ છે, ત્યારે ગૃહ મંત્રાલય અને વિદેશ મંત્રાલયે કરતારપુર કોરિડોર ખોલવો જાઈએ.”તેમણે દલીલ કરી હતી કે બંને દેશોના લોકો શાંતિ ઇચ્છે છે. કરતારપુર કોરિડોર પાકિસ્તાનમાં ગુરુદ્વારા દરબાર સાહિબને જાડે છે, જે શીખ ધર્મના સ્થાપક શ્રી ગુરુ નાનક દેવજીનું અંતિમ વિશ્રામ સ્થળ છે, તેને ગુરદાસપુર જિલ્લાના ડેરા બાબા નાનક ગુરુદ્વારા સાથે જાડે છે.૨૨ એપ્રિલના પહેલગામ હુમલા પછી પાકિસ્તાન સાથેના તણાવને કારણે ભારતે કરતારપુર કોરિડોર બંધ કરી દીધો હતો. અટારી-વાઘા રૂટ દ્વારા પાકિસ્તાન સાથે વેપાર ફરી શરૂ કરવાના પ્રશ્ન પર માનએ કહ્યું કે તે ચોક્કસપણે શરૂ થવું જાઈએ. તેમણે કહ્યું, “લાખો લોકોને રોજગાર મળશે. આપણો વેપાર વધશે. અમે સમયાંતરે આ માંગણી કરતા આવ્યા છીએ.
