‘ઓપરેશન સિંદૂર’ હેઠળ, ભારતે પાકિસ્તાન અને પાકિસ્તાન કબજા હેઠળના જમ્મુ અને કાશ્મીરમાં આતંકવાદી ઠેકાણાઓને નિશાન બનાવ્યા. આ પછી પાડોશી દેશે ભારત વિરુદ્ધ કાયરતાપૂર્ણ કાર્યવાહી શરૂ કરી. તેણે ડ્રોન અને મિસાઇલોથી ભારતીય વિસ્તારોને નિશાન બનાવવાનો પ્રયાસ કર્યો. ભારતે આનો સંયમિત અને યોગ્ય જવાબ આપ્યો. ભારતે પાકિસ્તાનના દરેક દુષ્ટ ઈરાદાને નિષ્ફળ બનાવ્યો. આ દરમિયાન પાકિસ્તાનના વિદેશ મંત્રી ઇશાક ડારનું એક મોટું નિવેદન સામે આવ્યું છે. તેમના નિવેદનથી સ્પષ્ટ થાય છે કે તેમનો દેશ હાર્યો છે અને હવે ભારત પાસેથી દયાની અપેક્ષા રાખી રહ્યો છે. તેમણે કહ્યું કે જો ભારત વર્તમાન પરિસ્થિતિને ધ્યાનમાં રાખીને આગળ નહીં વધે તો તેમનો દેશ પણ તણાવ ઓછો કરવાનું શરૂ કરશે.
ડારે પાકિસ્તાનના જીઓ ન્યૂઝને જણાવ્યું હતું કે બે કલાક પહેલા નવી દિલ્હી સાથે વાત કર્યા પછી જ્યારે તેમણે યુએસ સેક્રેટરી ઓફ સ્ટેટ માર્કો રુબિયોનો સંપર્ક કર્યો ત્યારે તેમણે આ સંદેશ તેમને પણ પહોંચાડ્યો હતો. ડારે કહ્યું, ‘અમે આક્રમક કાર્યવાહી કરી. જો તેઓ અહીં રહેશે, તો અમે પણ રહેવાનું વિચારીશું.
આ પહેલા, યુએસ સેક્રેટરી સ્ટેટ માર્કોએ ભારતીય વિદેશ મંત્રી એસ. જયશંકરને મળ્યા હતા. તેમણે પાકિસ્તાનના નાયબ વડાપ્રધાન અને વિદેશ મંત્રી ઇશાક ડાર સાથે અલગથી વાતચીત કરી હતી. વિદેશ વિભાગના પ્રવક્તા ટેમી બ્રુસે શનિવારે સવારે એક નિવેદનમાં આ માહિતી આપી. હકીકતમાં, ૭ મેના રોજ પાકિસ્તાનમાં આતંકવાદી ઠેકાણાઓ પર ભારતના ઓપરેશન સિંદૂર અને ત્યારબાદ પાકિસ્તાન દ્વારા ૧૫ ભારતીય શહેરોને નિશાન બનાવ્યા પછી બંને વચ્ચે તણાવ નોંધપાત્ર રીતે વધી ગયો હતો.
જયશંકર સાથેની તેમની વાતચીતમાં, રુબિયોએ બંને પક્ષોએ તણાવ ઘટાડવા અને સીધી વાતચીત ફરીથી સ્થાપિત કરવાના માર્ગો શોધવાનો પ્રયાસ કરવાની જરૂરિયાત પર ભાર મૂક્્યો. રુબિયોએ ચર્ચાઓને સરળ બનાવવા માટે યુએસનો ટેકો આપ્યો. ડાર સાથેની આવી જ વાતચીતમાં, રુબિયોએ પુનરોચ્ચાર કર્યો કે બંને પક્ષોએ વર્તમાન પરિસ્થિતિને ઓછી કરવા માટે માર્ગો શોધવા જાઈએ. રુબિયોએ મધ્યસ્થી કરવાની ઓફર કરી.
વિદેશ મંત્રી જયશંકરે શનિવારે અમેરિકાના વિદેશ મંત્રી માર્કો રુબિયો સાથે વાત કરતા કહ્યું કે ભારત-પાકિસ્તાન સંઘર્ષમાં ભારતનું વર્તન સંયમિત અને જવાબદાર રહ્યું છે.
