૨૧ જૂને યોજાનારી નીટ યુજી પુનઃપરીક્ષા પહેલા, નાગપુરના એક વિદ્યાર્થીને ભારતને બદલે વિદેશમાં અબુ ધાબીમાં પરીક્ષા કેન્દ્ર ફાળવવામાં આવતા હોબાળો મચી ગયો. લોકસભામાં વિરોધ પક્ષના નેતા રાહુલ ગાંધીએ આ ગંભીર બેદરકારી પર તીવ્ર પ્રતિક્રિયા આપી અને એનટીએની સિસ્ટમ પર પ્રશ્ન ઉઠાવ્યા.
જાકે, સોશિયલ મીડિયા પર આ મુદ્દો સામે આવ્યા બાદ,એનટીએએ તાત્કાલિક કાર્યવાહી કરી. નવીનતમ માહિતી અનુસાર, આગામી થોડા કલાકોમાં ચકાસણી પ્રક્રિયા પૂર્ણ થયા પછી એનટીએ વિદ્યાર્થીને નાગપુરમાં એક કેન્દ્ર ફાળવશે. જા કે, રાહુલ ગાંધીએ આ બેદરકારી બદલ એનટીએની ટીકા કરી.
કોંગ્રેસ નેતા રાહુલ ગાંધીએ આ સમગ્ર મુદ્દા અંગે તેમના સત્તાવાર સોશિયલ મીડિયા હેન્ડલ પર એનટીએ અને સરકારની ટીકા કરી. વિદ્યાર્થીની માનસિક સ્થિતિનો ઉલ્લેખ કરતા તેમણે લખ્યુંઃ “નાગપુરનો એક બાળક એક મહિનાથી નીટ પુનઃપરીક્ષાની તૈયારી કરી રહ્યો હતો. ગઈકાલે, પરીક્ષાના એક દિવસ પહેલા, તેણે પ્રવેશ કાર્ડ ડાઉનલોડ કર્યું. તેનું કેન્દ્ર અબુ ધાબી હોવાનું બહાર આવ્યું. તેની પાસે પાસપોર્ટ નથી, તેના પરિવારને વિદેશ મોકલવા માટે પૈસા નથી, અને સમય પણ બચ્યો નથી. તે આખી રાત રડતો રહ્યો અને પરીક્ષા આપવાનો ઇનકાર કરી રહ્યો છે – શું તણાવની કલ્પના પણ કરી શકાય છે?”
રાહુલ ગાંધીએ એનટીએને સીધો પ્રશ્ન કર્યો, “આ કેવી રીતે બન્યું? કોઈ પણ વિદ્યાર્થીએ કાલે પરીક્ષા કેન્દ્ર પર ન પહોંચી શકવાની ફરિયાદ ન કરવી જાઈએ.” તેમણે વધુમાં જણાવ્યું હતું કે જે સિસ્ટમ પોતાના શહેરમાં બાળક માટે કેન્દ્ર આપી શકતી નથી તેને પરીક્ષા લેવાનો કોઈ અધિકાર નથી. આ શિક્ષણ પ્રણાલી નથી, પરંતુ આખી પેઢીના પૈસા, સમય અને માનસિક શાંતિની વસૂલાત છે.
આ મુદ્દો ઉઠાવાયા બાદ એનટીએએ કાર્યવાહી શરૂ કરી દીધી. આ બાબતની જાણ થતાં,એનટીએએ તાત્કાલિક સત્તાવાર સ્પષ્ટતા જારી કરી. તેના સત્તાવાર પ્રતિભાવમાં,એનટીએએ જણાવ્યું હતું કે, “ઉમેદવારની ફરિયાદનું નિરાકરણ કરવામાં આવી રહ્યું છે અને યોગ્ય ચકાસણી પછી, તેને આગામી થોડા કલાકોમાં નાગપુરમાં એક નવું પરીક્ષા કેન્દ્ર ફાળવવામાં આવશે.”
આ સમગ્ર મામલો નાગપુરના વિદ્યાર્થી અબ્દુલ્લા મોહમ્મદ તાલિબ સાથે સંબંધિત છે. અબ્દુલ્લાએ તેની પુનઃપરીક્ષા અરજીમાં નાગપુર, વર્ધા અને ભંડારાને તેના પસંદગીના શહેરો તરીકે પસંદ કર્યા હતા. પરંતુ જ્યારે તેણે એનટીએ વેબસાઇટ પરથી તેનું પ્રવેશ કાર્ડ ડાઉનલોડ કર્યું, ત્યારે તેમાં અબુ ધાબીમાં એક ભારતીય શાળાને પરીક્ષા કેન્દ્ર તરીકે સૂચિબદ્ધ કરવામાં આવી.
વિદ્યાર્થીનાં પિતા, ડા. મોહમ્મદ તાલિબે કહ્યું કે તેમના પુત્રએ પ્રવેશ કાર્ડ જાઈને આંસુ અને આઘાત અનુભવ્યો, કારણ કે તેની પાસે વિદેશ પ્રવાસ માટે પાસપોર્ટ પણ નહોતો. પરીક્ષા આપવા માટે અબુ ધાબીની મુસાફરી કરવી સંપૂર્ણપણે અશક્્ય હતું. સ્ક્રીનશોટ વાયરલ થયા પછી આ મુદ્દો ઝડપથી ધ્યાન ખેંચી રહ્યો હતો.
આ ઘટના બાદ,એનટીએએ બધા પુનઃ-નીટ ઉમેદવારોને તેમના પ્રવેશપત્રોની સંપૂર્ણ તપાસ કરવાની સલાહ આપી છે. જા તેમને પરીક્ષા કેન્દ્ર, વ્યક્તિગત માહિતી અથવા ફોટામાં કોઈ વિસંગતતા દેખાય, તો તેમણે તાત્કાલિક એનટીએ હેલ્પલાઇન પર તેની જાણ કરવી જાઈએ જેથી તેમને તાત્કાલિક સુધારી શકાય. પુનઃ-નીટ ૨૦૨૬ પરીક્ષા ૨૧ જૂને બપોરે ૨ઃ૦૦ થી સાંજે ૫ઃ૧૫ વાગ્યા સુધી સમયપત્રક મુજબ લેવામાં આવશે.
