જામનગર શહેરમાં તાજેતરમાં દાખલ થયેલ ડીજીટલ અરેસ્ટ અંતર્ગત ગુનાની તપાસ દરમિયાન સાયબર પોલીસે રાજસ્થાનથી એક આરોપીને દબોચી લીધો છે. આ સખ્સે જામનગરના વ્યક્તિને કુરિયર પાર્સલમાં ડ્રગ્સ મળ્યું હોવાનો ભય બતાવી રૂપિયા ૨૬.૯૦ લાખ ઓન લાઈન પડાવી લીધા હતા. પોલીસે આરોપીને કોર્ટ સમક્ષ રજુ કરી રિમાન્ડ મેળવવા તજવીજ શરુ કરી છે.
ડીજીટલ અરેસ્ટના નામે શહેરના એક નાગરિક પાસેથી રૂ. ૨૬.૯૦ લાખની ઓનલાઈન ઠગાઈ કરનાર આરોપીને જામનગર સાયબર ક્રાઈમ પોલીસે રાજસ્થાનના જાધપુરથી ઝડપી પાડ્યો છે. આરોપીએ ફરિયાદીને ફેડેક્સ કુરિયરમાં ૧૪૦ ગ્રામ એમડીએમએ ડ્રગ્સ મળ્યું હોવાનો ભય બતાવી,એનડીપીએસ એક્ટ હેઠળ કેસ નોંધાશે તેવી ધમકી આપીને ડીજીટલ અરેસ્ટ કર્યો હતો. આ ઘટનામાં સાયબર પોલીસે ટેકનિકલ એનાલિસિસ અને હ્યુમન ઈન્ટેલિજન્સની મદદથી આરોપી રાજુરામ સોહન રામ ગેહલોતને જાધપુરના ટીમરી ગામથી ઝડપી લીધો છે. હાલ આરોપીને જામનગર લાવવામાં આવ્યો છે અને કોર્ટ સમક્ષ રજૂ કરી રિમાન્ડ મેળવવાની કાર્યવાહી શરૂ કરવામાં આવી છે.
જામનગરમાં વધતા જતા સાયબર ક્રાઈમના ગુનાઓને નાથવા માટે ઉચ્ચ પોલીસ અધિકારીઓની સૂચનાઓના પગલે સાયબર ક્રાઈમ પોલીસ સ્ટેશનના પીઆઇ આઈ.એ. ઘાસુરા અને તેમની ટીમે આ કેસની તપાસ હાથ ધરી હતી. આરોપીઓએ ગુનાહિત કાવતરું રચી, વોટ્સએપ ગ્રૂપ બનાવી, વિવિધ બેંક ખાતાઓ અને મોબાઈલ નંબરોનો ઉપયોગ કરીને ફરિયાદીને સ્કાઈપ એપ્લીકેશન દ્વારા વીડિયો કોલ કર્યો હતો. આ દરમિયાન તેમણે ફરિયાદીને ડીજીટલ અરેસ્ટનો ડર બતાવી, રૂ. ૨૬.૯૦ લાખ અલગ-અલગ બેંક ખાતાઓમાં જમા કરાવી અન્ય ખાતાઓમાં ટ્રાન્સફર કરી લીધા હતા. આ ઘટના બાદ ફરિયાદ નોંધાતાં, પોલીસે તપાસ શરૂ કરી અને ટેકનિકલ તપાસ દ્વારા આરોપી સુધી પહોંચી ગઈ.
આ ઘટનાએ સાયબર ક્રાઈમના વધતા જાખમોને ફરી એકવાર ઉજાગર કર્યા છે. ડીજીટલ અરેસ્ટના નામે થતી આવી ઠગાઈઓમાં આરોપીઓ લોકોની ભાવનાઓનો લાભ લઈ, ડરનો માહોલ ઊભો કરીને નાણાં પડાવી લે છે. આવા ગુનાઓમાં આરોપીઓ સામાન્ય રીતે બેંક ખાતાઓ, ફોન નંબરો અને ઓનલાઈન પ્લેટફોર્મનો દુરુપયોગ કરે છે. આ કેસમાં પણ આરોપીએ વોટ્સએપ અને સ્કાઈપ જેવી એપ્લીકેશનનો ઉપયોગ કરીને ફરિયાદીને ફસાવ્યો હતો. પોલીસે આરોપીની ધરપકડ બાદ તેના અન્ય સાગરિતો અને ગુનાહિત નેટવર્ક વિશે માહિતી મેળવવા તપાસ શરૂ કરી છે.
સાયબર ક્રાઈમના આવા બનાવો નિવારવા માટે પોલીસે નાગરિકોને સાવચેત રહેવાની સલાહ આપી છે. જા કોઈ વ્યક્તિ પોતાને સરકારી અધિકારી કે પોલીસ તરીકે ઓળખાવી ધમકી આપે, તો તેની તાત્કાલિક જાણ સ્થાનિક પોલીસને કરવી જાઈએ. ડીજીટલ અરેસ્ટનો ખ્યાલ કાયદામાં અસ્તિત્વમાં નથી, અને સરકારી એજન્સીઓ ક્યારેય ઓનલાઈન કે ફોન દ્વારા આવી કાર્યવાહી કરતી નથી. નાગરિકોએ અંગત માહિતી શેર ન કરવી, શંકાસ્પદ કોલનો જવાબ ન આપવો અને ૧૯૩૦ પર સંપર્ક કરવો જાઈએ.આ ઘટનાએ જામનગરમાં સાયબર સુરક્ષા અંગે જાગૃતિ લાવવાની જરૂરિયાતને રેખાંકિત કરી છે. પોલીસે આરોપીના રિમાન્ડ દરમિયાન ગુનાના મૂળ સુધી પહોંચવાનો પ્રયાસ કરશે, જેથી આવા ગુનાઓનું નેટવર્ક ખુલ્લું પડે અને ભવિષ્યમાં આવી ઘટનાઓ રોકી શકાય.
