સુપ્રિમ કોર્ટે રાજસ્થાન હાઈકોર્ટના તે આદેશને રદ્દ કરી દીધો છે, જેમાં જાતીય સતામણીના કેસો કરારના આધારે રદ્દ કરવામાં આવ્યા હતા. જસ્ટિસ સીટી રવિકુમારે એક નિર્ણયમાં કહ્યું કે રાજસ્થાન હાઈકોર્ટના આ વિવાદિત આદેશને રદ કરવામાં આવે છે. હ્લૈંઇ અને કાયદા મુજબ ફોજદારી કાર્યવાહી કરવામાં આવશે. અમારી પાસે કેસની યોગ્યતા પર કોઈ ટિપ્પણી નથી અને અમે અમીકસની સેવાઓની ખૂબ પ્રશંસા કરીએ છીએ.
સુપ્રીમ કોર્ટે કહ્યું કે આ ગુનો નોન-કોમ્પ્રોમાઇઝિંગ સેક્શન હેઠળ છે. આવી સ્થિતિમાં હાઈકોર્ટનો આદેશ યોગ્ય નથી. કોર્ટે આ નિર્ણય ૧૫ વર્ષની છોકરીના કેસની સુનાવણી દરમિયાન લીધો છે. સગીર વયની છેડતીના મામલામાં સુપ્રીમ કોર્ટમાં અપીલ કરવામાં આવી હતી.
આ મામલામાં પિતા દ્વારા સગીર વયની સતામણી અંગેની ફરિયાદ બાદ કેસ નોંધવામાં આવ્યો હતો. આ જ ફરિયાદના આધારે પ્રથમ માહિતી અહેવાલ દાખલ કરવામાં આવ્યો હતો. બાદમાં આરોપી અને પીડિતા બંને વચ્ચે વાતચીત બાદ સમાધાન થયું હતું. જાતીય સતામણીના આ કેસમાં આરોપીએ હાઈકોર્ટમાં અપીલ દાખલ કરી હતી. રાજસ્થાન હાઈકોર્ટે સુનાવણી બાદ આરોપીઓ સામે ફોજદારી કેસ બંધ કરી દીધો હતો.
આ મામલામાં ત્રીજા પક્ષ દ્વારા સુપ્રીમ કોર્ટમાં વાંધો ઉઠાવવામાં આવ્યો હતો. અરજદાર રામજી લાલ બૈરવા વતી સુપ્રીમ કોર્ટમાં દાખલ કરવામાં આવેલી અરજીમાં સવાલ પૂછવામાં આવ્યો હતો કે શું હાઈકોર્ટ જાતીય સતામણીના કેસમાં સીપીસીની કલમ ૪૮૨માં આપવામાં આવેલી સત્તાનો ઉપયોગ રદ કરી શકે છે? પૂછવામાં આવ્યું હતું કે શું આરોપી અને પીડિતા વચ્ચે સમાધાન કરીને જાતીય સતામણીના કેસનો અંત લાવી શકાય છે? સુપ્રીમ કોર્ટે કહ્યું કે તે આ મામલાની તપાસ કરશે. સુપ્રીમ કોર્ટે કહ્યું કે રાજસ્થાન હાઈકોર્ટનો આ નિર્ણય યોગ્ય નથી.
