રાજસ્થાનના જયપુરમાં એક ભયાનક માર્ગ અકસ્માત થયો છે. એક બેકાબૂ ડમ્પરે ૧૦ વાહનોને ટક્કર મારી છે. આ ઘટનામાં દસ લોકોના મોત થયા છે, અને ઘણા ગંભીર રીતે ઘાયલ થયા છે. બેકાબૂ ડમ્પરે ઓછામાં ઓછા ૫૦ લોકોને કચડી નાખ્યા. મૃત્યુઆંક વધવાની આશંકા છે.
અહેવાલો અનુસાર, બેકાબૂ ડમ્પર એક કારને ટક્કર માર્યા બાદ પલટી ગયું. કેટલાક લોકો ફસાઈ ગયા હોવાનું જાણવા મળે છે. આ ઘટના હરમારા પોલીસ સ્ટેશન વિસ્તારમાં લોહામંડી રોડ પર બની હતી. માહિતી મળતાં જ વરિષ્ઠ પોલીસ અધિકારીઓ ઘટનાસ્થળે પહોંચ્યા અને મુખ્ય માર્ગ પરનો ટ્રાફિક ડાયવર્ટ કરવામાં આવ્યો.
૨ નવેમ્બરના રોજ રાજસ્થાનના જાધપુરમાં એક મોટો અકસ્માત થયો હતો. ફલોદી જિલ્લાના માટોડામાં, એક ટેમ્પો ટ્રાવેલર રસ્તાની બાજુમાં ઉભેલા ટ્રક ટ્રેલર સાથે અથડાઈ ગયો, જેમાં ૧૫ લોકો માર્યા ગયા અને બે ઘાયલ થયા. કોલાયતની મુલાકાત લઈને શ્રદ્ધાળુઓ જાધપુર પરત ફરી રહ્યા હતા ત્યારે તેમના ટેમ્પો ટ્રાવેલરને અકસ્માત થયો હોવાના અહેવાલ છે.
મુખ્યમંત્રી ભજન લાલ શર્માએ આ ઘટના પર ઊંડો દુઃખ વ્યક્ત કર્યો હતો અને કલેક્ટર અને પોલીસ અધિક્ષક સહિત ઉચ્ચ અધિકારીઓને ફોન પર તાત્કાલિક કાર્યવાહી કરવા નિર્દેશ આપ્યો હતો. જિલ્લા કલેક્ટર શ્વેતા ચૌહાણે જણાવ્યું હતું કે આ અકસ્માત ભારત માલા હાઇવે પર થયો હતો. તમામ મૃતદેહોને ઓસિયનની સરકારી હોસ્પિટલના શબઘરમાં રાખવામાં આવ્યા છે, જ્યારે ઘાયલોને પણ સારવાર માટે જાધપુર રિફર કરવામાં આવ્યા છે.
