જમ્મુ-કાશ્મીરના કુલગામ વિસ્તારમાં સુરક્ષા દળો અને આતંકવાદીઓ વચ્ચે એન્કાઉન્ટર થયું છે. આ એન્કાઉન્ટરમાં સુરક્ષા દળોએ એક આતંકવાદીને ઠાર માર્યો છે. માર્યા ગયેલા આતંકવાદીનો મૃતદેહ સફરજનના બગીચામાં પડેલો છે. તેની તસવીર પણ સામે આવી છે. સેના વિસ્તારમાં સર્ચ ઓપરેશન ચલાવી રહી છે.
અત્યાર સુધી મળેલી માહિતી અનુસાર, કુલગામમાં ચાલી રહેલા એન્કાઉન્ટરમાં એક આતંકવાદી માર્યો ગયો છે. કુલગામના ગુદ્દર જંગલ વિસ્તારમાં સર્ચ ઓપરેશન દરમિયાન, ગોળીબારના કેટલાક અવાજા સંભળાયા હોવાનું કહેવાય છે. ત્યારબાદ વિસ્તારને ઘેરી લેવામાં આવ્યો હતો. અહેવાલો અનુસાર, બે આતંકવાદીઓ આ વિસ્તારમાં ફસાયેલા છે. જમ્મુ અને કાશ્મીર પોલીસ, સેના અને સીઆરપીએફ,એસઓજી ઓપરેશનમાં રોકાયેલા છે. એક આતંકવાદીનો મૃતદેહ સફરજનના બગીચામાં પડેલો છે. માર્યા ગયેલા આતંકવાદીની ઓળખ હજુ સુધી થઈ નથી.
સેનાએ કુલગામમાં ચાલી રહેલા એન્કાઉન્ટર અંગે એક નિવેદન પણ જારી કર્યું છે. સેનાએ કહ્યું છે કે જમ્મુ અને કાશ્મીર પોલીસ પાસેથી મળેલી ચોક્કસ ગુપ્ત માહિતીના આધારે, ભારતીય સેના, જમ્મુ અને કાશ્મીર પોલીસ અને સીઆરપીએફ શ્રીનગર દ્વારા કુલગામના ગુદ્દર જંગલમાં સંયુક્ત સર્ચ ઓપરેશન શરૂ કરવામાં આવ્યું હતું. સતર્ક સૈનિકોએ શંકાસ્પદ ગતિવિધિઓ જાઈ અને તેમને પડકારવામાં આવતા, આતંકવાદીઓએ ગોળીબાર શરૂ કર્યો, ત્યારબાદ ભીષણ ગોળીબાર થયો જેમાં એક આતંકવાદી માર્યો ગયો અને એક જુનિયર કમિશન્ડ ઓફિસર ઘાયલ થયો.
બીજી તરફ, રવિવારે રાત્રે જમ્મુના આરએસ પુરા સેક્ટરમાં આંતરરાષ્ટ્રીય સરહદ નજીક એક પાકિસ્તાની ઘુસણખોરની ધરપકડ કરવામાં આવી હતી. ઘુસણખોરની ઓળખ સિરાજ ખાન તરીકે થઈ છે, જે પાકિસ્તાનના પંજાબ પ્રાંતના સરગોધાનો રહેવાસી છે. ઘુસણખોરને પડકાર્યા બાદ સૈનિકોએ ગોળીબાર કર્યો. આ પછી, તેને સરહદ પર વાડ નજીક ધરપકડ કરવામાં આવી. ઘુસણખોર પાસેથી કેટલીક પાકિસ્તાની ચલણ મળી આવી છે. તેની પૂછપરછ ચાલી રહી છે.
