જનરલ ઝેડ વિરોધ પછી મેડાગાસ્કરમાં પરિસ્થિતિ ઝડપથી વિકસી રહી હોય તેવું લાગે છે. બળવાના એક અઠવાડિયા પછી, લશ્કરી જુન્ટાએ પદભ્રષ્ટ રાષ્ટ્રપતિ એન્ડ્રી રાજાએલિનાની નાગરિકતા છીનવી લીધી છે. રાજાએલિના તેમના રાજીનામાની માંગણી કરતા વિરોધ પ્રદર્શનોને પગલે અજ્ઞાત સ્થળે ભાગી ગયા છે. તેમની પાસે ફ્રેન્ચ નાગરિકતા પણ છે.દેશના નવનિયુક્ત વડા પ્રધાન, હેરિન્ટસલામા રાજાઓનારિવેલોએ, એક કાયદાને લાગુ કરતા આદેશ પર હસ્તાક્ષર કર્યા છે જે મેડાગાસ્કરના રહેવાસીઓની નાગરિકતા રદ કરે છે જેઓ બીજા દેશની નાગરિકતા ધરાવે છે. રાજાએલિનાની ફ્રેન્ચ નાગરિકતાએ અગાઉ ૨૦૨૩ ની ચૂંટણીમાં રાષ્ટ્રપતિ પદ માટે તેમની લાયકાત અંગે ચર્ચા જગાવી હતી. જાકે, તેમણે ચૂંટણી જીતી હતી.સંયુક્ત રાષ્ટ્ર અનુસાર, યુવાનોના નેતૃત્વ હેઠળના વિરોધ પ્રદર્શનો વધ્યા પછી રાજાએલિનાએ દેશ છોડી દીધો હતો. તેમના વિરુદ્ધ વિરોધ કરવા માટે ઘણા શહેરોમાં હજારો લોકો રસ્તા પર ઉતરી આવ્યા હતા. આ સમયગાળા દરમિયાન, સુરક્ષા દળો દ્વારા કરવામાં આવેલી ક્રૂર કાર્યવાહીમાં ૨૨ લોકો માર્યા ગયા હતા અને ૧૦૦ થી વધુ ઘાયલ થયા હતા. જ્યારે લશ્કરી ટુકડી વિરોધ પ્રદર્શનોમાં જાડાઈ ત્યારે પરિસ્થિતિ વધુ વણસી હતી.મેડાગાસ્કર ભૂતપૂર્વ ફ્રેન્ચ વસાહત હતું, અને રાજાલીના ફ્રેન્ચ નાગરિકત્વ ધરાવે છે, જેના કારણે લોકોમાં રોષ પણ ફેલાયો છે. વારંવાર પાણી અને વીજળીના કટના જવાબમાં ૨૫ સપ્ટેમ્બરના રોજ સરકાર વિરોધી વિરોધ પ્રદર્શનો શરૂ થયા તા.મેડાગાસ્કરની પરિસ્થિતિ અંગે, યુએન સેક્રેટરી-જનરલ એન્ટોનિયો ગુટેરેસના પ્રવક્તા, સ્ટીફન ડુજારિકે કહ્યું, “યુએન સેક્રેટરી-જનરલ મેડાગાસ્કરમાં સરકારના ગેરબંધારણીય પરિવર્તનની નિંદા કરે છે અને બંધારણીય વ્યવસ્થા અને કાયદાનું શાસન પાછું લાવવાની હાકલ કરે છે.”
