અમેરિકી રાષ્ટ્રપતિની ચૂંટણીના પરિણામો આવી ગયા છે. રિપબ્લીકન ઉમેદવાર ડોનાલ્ડ ટ્રમ્પે ડેમોક્રેટિક પાર્ટીના કમલા હેરિસને મોટા અંતરથી હરાવ્યા છે. માત્ર ઈલેક્ટોરલ કોલેજમાં જ નહીં, પોપ્યુલર વોટમાં પણ ટ્રમ્પે હેરિસ સામે જીત મેળવી છે. આવી સ્થિતિમાં દુનિયાભરમાંથી શુભકામનાઓ મળી રહી છે. આ જ ક્રમમાં ચીનના વડાપ્રધાન શી જિનપિંગે પણ ટ્રમ્પને તેમની જીત બદલ અભિનંદન પાઠવ્યા હતા. તેમણે બંને દેશો વચ્ચેના મતભેદોને ઉકેલવા માટે યોગ્ય માર્ગ શોધવાનું પણ આહ્વાન કર્યું હતું.
એક રિપોર્ટ અનુસાર, ટ્રમ્પને તેમના અભિનંદન સંદેશમાં, શીએ બંને દેશોને સંવાદ અને સંદેશાવ્યવહારને મજબૂત કરવા, મતભેદોને યોગ્ય રીતે ઉકેલવા અને પરસ્પર ફાયદાકારક સહયોગને વિસ્તારવા અપીલ કરી. તેમણે કહ્યું, ‘હું ચીન અને અમેરિકાને પરસ્પર ફાયદાકારક સહયોગ વધારવા વિનંતી કરું છું.’
તેમણે કહ્યું, ‘હું ચીન અને અમેરિકાને નવા યુગમાં સાથે રહેવાનો સાચો રસ્તો અપનાવવા માટે આહ્વાન કરું છું. વિશ્વની બે ટોચની અર્થવ્યવસ્થાઓ ધરાવતા બંને દેશોએ સંવાદ અને સંચારને મજબૂત બનાવવો જાઈએ.ભૂતપૂર્વ રાષ્ટ્રપતિએ અમેરિકી રાષ્ટ્રપતિની ચૂંટણીમાં ભારે જીત મેળવી છે. ટ્રમ્પે તેમના પ્રથમ કાર્યકાળમાં ચીન સામે કડક નીતિ અપનાવી હતી, જેમાં યુએસમાં ઇં૩૮૦ બિલિયનથી વધુની ચીની નિકાસ પર ટેરિફ લાદવાનો સમાવેશ થાય છે. જા કે, બેઇજિંગે સાવધાનીપૂર્વક પ્રતિક્રિયા આપી અને કહ્યું કે તે અમેરિકન લોકોની પસંદગીનું સન્માન કરે છે.
ચીનના વિદેશ મંત્રાલયના પ્રવક્તા માઓ નિંગે કહ્યું કે, ‘અમેરિકા પ્રત્યેની અમારી નીતિ સુસંગત છે અને અમે પરસ્પર સન્માન, શાંતિપૂર્ણ સહઅસ્તીત્વ અને જીત-જીતના સિદ્ધાંતો અનુસાર ચીન-અમેરિકા સંબંધોને જાવાનું અને સંભાળવાનું ચાલુ રાખીશું.’
તેમણે ચીનની આયાત પર ટેરિફ વધારવાના ટ્રમ્પના ચૂંટણી વચન અંગેના પ્રશ્નનો જવાબ આપવાનો ઇનકાર કર્યો હતો. તેમણે કહ્યું કે અમે કાલ્પનિક પ્રશ્નોના જવાબ આપીશું નહીં.
ચાર વર્ષના અંતરાલ પછી બીજી મુદત માટે યુએસ પ્રમુખ તરીકે ટ્રમ્પની વાપસીએ બેઇજિંગની ચિંતા વધારી દીધી છે, ખાસ કરીને ચીનની અર્થવ્યવસ્થા તીવ્ર મંદીનો સામનો કરી રહી છે, પરિણામે વિકાસ દર ઘટી રહ્યો છે અને વ્યાપાર વાતાવરણ હાં, નોકરીઓ અદૃશ્ય થઈ રહી છે અને બેરોજગારી વધી રહી છે.
