અમેરિકાના પ્રખ્યાત રૂઢિચુસ્ત કાર્યકર્તા ચાર્લી કિર્કના પાર્થિવ શરીર ગુરુવારે તેમના ગૃહ રાજ્ય એરિઝોના પહોંચ્યા. તેમને એક ખાસ વિમાન ‘એરફોર્સ ટુ’ દ્વારા લઈ જવામાં આવ્યા હતા, જેમાં યુએસ ઉપરાષ્ટ્રપતિ જે.ડી. વાન્સ તેમની પત્ની ઉષા વાન્સ સાથે મુસાફરી કરી રહ્યા હતા. ચાર્લીની પત્ની એરિકા પણ તે જ વિમાનમાં હાજર હતી. આ યાત્રા તેમને શ્રદ્ધાંજલિ અને અંતિમ વિદાય તરીકે કરવામાં આવી હતી.રાષ્ટ્રપતિ ડોનાલ્ડ ટ્રમ્પે ચાર્લી કિર્કની પત્ની સાથે ફોન પર વાત કરી. તેમણે કહ્યું, “મેં એરિકા સાથે વાત કરી. અમારી વચ્ચે લાંબી વાતચીત થઈ અને તે એકદમ ભાંગી પડી છે, જેમ તમે કલ્પના કરી શકો છો… આરોપીને પકડવા માટે તપાસ આગળ વધી રહી છે. મને લાગે છે કે તે એક પ્રાણી છે. એક સંપૂર્ણ પ્રાણી. તે ટૂંક સમયમાં પકડાઈ જશે. તેણે જે કર્યું તે શરમજનક હતું. ચાર્લી કિર્ક એક મહાન વ્યક્તિ હતા… દરેક અર્થમાં, ખાસ કરીને યુવાનો માટે… અમે તેને (ગુનેગારને) પકડીશું અને તેની સામે યોગ્ય કાર્યવાહી કરીશું.” છેલ્લી યાત્રાઃ એરફોર્સ ટુથી ફોનિક્સ ચાર્લી કિર્કનું આ અઠવાડિયે ઉટાહ વેલી યુનિવર્સિટીમાં એક ખુલ્લી ચર્ચા કાર્યક્રમ દરમિયાન મૃત્યુ થયું. એક અજાણ્યા હુમલાખોરે તેમની ગોળી મારીને હત્યા કરી હતી. આ ઘટના ઉટાહના ઓરેમમાં બની હતી, જે સોલ્ટ લેક સિટીથી લગભગ ૬૪ કિલોમીટર દૂર છે. ગુરુવારે સોલ્ટ લેક સિટીથી ફોનિક્સ સુધીની આ ફ્લાઇટ ખાસ સુરક્ષા અને રાજ્ય સન્માન સાથે યોજાઈ હતી. ઉપરાષ્ટ્રપતિ વાન્સ, તેમની પત્ની ઉષા વાન્સ અને કિર્કની પત્ની એરિકા કિર્ક એકસાથે વિમાનમાંથી ઉતર્યા હતા. બંને મહિલાઓ કાળા ડ્રેસ અને સનગ્લાસમાં હતી, જ્યારે વાન્સ ઘેરા સૂટમાં દેખાયા હતા.એરફોર્સ ટુમાંથી શબપેટી ઉતારતી વખતે, ઉપરાષ્ટ્રપતિ વાન્સ, ગણવેશધારી સૈન્ય કર્મચારીઓ સાથે, કિર્કના શબપેટીને ખભા પર બેસાડી હતી. આ દ્રશ્ય ખૂબ જ ભાવનાત્મક હતું. વાન્સ તેના મિત્ર કિર્કને અંતિમ વિદાય આપતી વખતે ભાવુક થઈ ગયો.ઉપરાષ્ટ્રપતિ વાન્સે બુધવારે રાત્રે સોશિયલ મીડિયા પર એક ભાવનાત્મક પોસ્ટમાં લખ્યું, “અમારી મિત્રતા ત્યારે શરૂ થઈ જ્યારે હું ટકર કાર્લસનના શોમાં દેખાયો અને કિર્કે મને ફોન કરીને મારી પ્રશંસા કરી. તે ક્ષણથી, અમારી મિત્રતા ગાઢ બની.” વાન્સે એ પણ યાદ કર્યું કે કિર્ક તેમને રાષ્ટ્રપતિ ડોનાલ્ડ ટ્રમ્પ માટે આદર્શ ઉપાધ્યક્ષ ઉમેદવાર માનતા હતા અને હંમેશા તેમના પરિવારની સુખાકારી વિશે પૂછતા હતા.ચાર્લી કિર્ક ટ‹નગ પોઈન્ટ યુએસએના સહ-સ્થાપક અને સીઈઓ હતા. તે એક પ્રભાવશાળી યુવા-કેન્દ્રિત રૂઢિચુસ્ત સંગઠન છે જેનું મુખ્ય મથક ફોનિક્સ, એરિઝોનામાં છે. તેમની હત્યાએ અમેરિકન રાજકીય અને શૈક્ષણિક જગતને આઘાત પહોંચાડ્યો છે. કિર્કના અંતિમ સંસ્કાર આગામી દિવસોમાં તેમના પરિવાર અને સમર્થકોની હાજરીમાં એરિઝોનામાં કરવામાં આવશે.
