ગ્લેન મેક્સવેલ રેકોર્ડઃ ઓસ્ટ્રેલિયા અને દક્ષિણ આફ્રિકા વચ્ચે ટી ૨૦ શ્રેણીની બીજી મેચ ૧૨ ઓગસ્ટે ડાર્વિનના મરારા ક્રિકેટ ગ્રાઉન્ડ ખાતે રમાશે. આ મેચમાં ઓસ્ટ્રેલિયાના ઓલરાઉન્ડર ગ્લેન મેક્સવેલ પાસે એક ખાસ રેકોર્ડ બનાવવાની તક હશે. આ મેચમાં ત્રણ વિકેટ લઈને, મેક્સવેલ એક એવું પરાક્રમ કરશે જે આ પહેલા વિશ્વ ક્રિકેટમાં ફક્ત ત્રણ ખેલાડીઓ કરી શક્યા છે.
ટી૨૦ આંતરરાષ્ટ્રીય ક્રિકેટમાં ફક્ત ત્રણ ખેલાડીઓ એવા છે જેમના નામે ૨૫૦૦ કે તેથી વધુ રન બનાવવાનો અને ૫૦ કે તેથી વધુ વિકેટ લેવાનો રેકોર્ડ છે. જો મેક્સવેલ બીજી ટી૨૦માં ત્રણ વિકેટ લે છે, તો તે આવું કરનાર ચોથો ક્રિકેટર બનશે. અત્યાર સુધી, ફક્ત બાંગ્લાદેશના ઓલરાઉન્ડર શાકિબ અલ હસન, પાકિસ્તાનના મોહમ્મદ હાફીઝ અને મલેશિયાના વિરનદીપ સિંહ જ આવું કરી શક્યા છે. હવે મેક્સવેલ પાસે આ રેકોર્ડ પોતાના નામે કરવાની તક હશે. આગામી મેચમાં તે આ સિદ્ધિ પોતાના નામે કરી શકશે કે નહીં તે જોવું ખૂબ જ રસપ્રદ રહેશે.
ટી૨૦ આંતરરાષ્ટ્રીય ક્રિકેટમાં ૨૫૦૦ થી વધુ રન બનાવનારા અને ૫૦ થી વધુ વિકેટ લેનારા ખેલાડીઓ
શાકિબ અલ હસનઃ ૧૨૯ મેચઃ ૨૫૫૧ રન અને ૧૪૯ વિકેટ
મોહમ્મદ હાફીઝઃ ૧૧૯ મેચઃ ૨૫૧૪ રન અને ૬૧ વિકેટ
વીરનદીપ સિંહઃ ૧૦૨ મેચઃ ૩૦૧૩ રન અને ૯૭ વિકેટ
ગ્લેન મેક્સવેલ ૧૫૦ છગ્ગા પૂરા કરી શકે છે
આ મેચમાં, મેક્સવેલ પાસે પોતાના નામે બીજા રેકોર્ડ બનાવવાની તક હશે. તે ટી૨૦ આંતરરાષ્ટ્રીય ક્રિકેટમાં ૧૫૦ છગ્ગા પૂરા કરી શકે છે અને તેને આવું કરવા માટે ફક્ત ૫ છગ્ગાની જરૂર છે. વધુ પાંચ છગ્ગા ફટકારીને, મેક્સવેલ આ ફોર્મેટમાં ૧૫૦ કે તેથી વધુ છગ્ગા ફટકારનાર પ્રથમ ઓસ્ટ્રેલિયન અને વિશ્વનો પાંચમો ખેલાડી બનશે. અત્યાર સુધી, ફક્ત રોહિત શર્મા, માર્ટિન ગુપ્ટીલ, મોહમ્મદ વસીમ અને જો
ગ્લેન મેક્સવેલના ટી ૨૦ માં આંકડા વિશે વાત કરીએ તો, તેણે આ ફોર્મેટમાં ૧૨૨ મેચોમાં ઓસ્ટ્રેલિયાનું પ્રતિનિધિત્વ કર્યું છે. ત્યાં તેણે ૧૧૨ ઇનિંગ્સમાં ૨૯.૦૦ ની સરેરાશથી ૨૭૫૫ રન બનાવ્યા છે. આ દરમિયાન, તેના બેટમાંથી ૧૧ અડધી સદી અને પાંચ સદી જાવા મળી છે. બોલિંગમાં, તેણે ૩૦.૦૬ ની સરેરાશથી ૪૭ વિકેટ લીધી છે. આ દરમિયાન, તેનું શ્રેષ્ઠ પ્રદર્શન ૧૦ રનમાં ૩ વિકેટ રહ્યું છે.
