ગુજરાત પોલીસે ત્રણ હજાર કરોડ રૂપિયાનો સટ્ટો રમાડનારા રાજસ્થાની બુકીની ધરપકડ કરી છે. રાજસ્થાનનો બુકી અને મહાદેવ એપનો ભાગીદાર બાલમુકુંદ ઈનાની અમદાવાદના રસ્તે દુબઈ ભાગી જવાની યોજનાને અંજામ આપવાની તૈયારી કરી રહ્યો હતો. તેનું કારણ એ હતું કે અમદાવાદ પોલીસ પીએમના આગમનને લઈને તૈયારીઓમાં વ્યસ્ત હતી. તેથી તેને એમ હતું કે તે પોતે સરળતાથી ભાગી જશે, પરંતુ અમદાવાદ પોલીસે તેનું આ આયોજન પાર પાડવા ન દીધું.
બાલમુકુંદ ઈનાની મહાદેવ એપના માલિક સૌરભ ચંદ્રાકરનો ભૂતપૂર્વ ભાગીદાર હતો. તે રાજસ્થાનના ચિત્તોડગઢમાં કપાસન નગરપાલિકાના કોંગ્રેસના કાઉન્સીલર છે. મહાદેવ એપ બાદ જાગણીયા બુક નામની એપ દ્વારા દેશભરમાં સટ્ટો રમાડતો હતો. બાલમુકુંદનું અંદાજિત ટર્નઓવર ૨૦૦૦ થી ૩૦૦૦ કરોડ રૂપિયા છે.
વડા પ્રધાન નરેન્દ્ર મોદી ૧૫ સપ્ટેમ્બરે અમદાવાદ એરપોર્ટ પહોંચ્યા હતા અને ગુજરાતમાં તેમના નિર્ધારિત કાર્યક્રમમાં હાજરી આપવાના હતા. સમગ્ર કાર્યક્રમ માટે એરપોર્ટ પર વિશેષ સુરક્ષા વ્યવસ્થા કરવામાં આવી હતી. આ બધું ચાલી રહ્યું હતું ત્યારે અમદાવાદ શહેરના ઝોન ૪ના લેડી ડીસીપી કાનન દેસાઈને ફોન આવ્યો અને તેમને કહેવામાં આવ્યું કે એક સમયે મહાદેવ એપના ભાગીદાર એવા બાલમુકુંદ ઈનાની હવે અમદાવાદ એરપોર્ટ પરથી ભાગીને દુબઈ જઈ રહ્યા છે. તે રાજસ્થાનમાં અનેક ગુનાઓમાં વોન્ટેડ છે અને કોંગ્રેસ સાથે સંબંધ ધરાવે છે. તે ચિત્તોડગઢમાં કોંગ્રેસ કનેક્શન ધરાવતો વ્યÂક્ત છે અને તે કોઈપણ રીતે અહીંથી ભાગી જવાનો છે. આ ઉપરાંત બાલમુકુંદ કાળા રંગની વર્ના કારમાં આવવાનો હોવાની માહિતી પણ મળી હતી, જેની તપાસ કર્યા બાદ પોલીસે તેને પકડવા માટે તેની શોધખોળ શરૂ કરી હતી.
તેમણે જણાવ્યું હતું કે મને બાલમુકુંદ વિશે માહિતી મળી છે અને અમે તેને શોધી રહ્યા છીએ. બીજી તરફ એરપોર્ટ ખીચોખીચ ભરાઈ ગયું હતું અને વડાપ્રધાન આવવાના હતા. આ માટેની તૈયારીઓ પણ થઈ ગઈ હતી અને અમે પણ ત્યાં વ્યસ્ત હતા. બીજી તરફ, બાલમુકુંદ ત્યાં પહોંચવાનો હતો કે તરત જ એલસીબીની ટીમે તેને ટ્રેસ કરવાનું શરૂ કર્યું અને તેનું લોકેશન ગાંધીનગર તરફ આવી રહ્યું હતું. તે ગાંધીનગરમાં ક્યાંક રહેતો હતો અને અમદાવાદથી દુબઈ જતો હોવાની જાણ થતાં અમે તેને શોધવાના ખૂબ પ્રયત્નો કર્યા હતા. ત્યારબાદ તેનો ફોન સ્વીચ ઓફ આવ્યો હતો. જાકે, અમારી ટીમે અમારા પ્રયાસો ચાલુ રાખ્યા હતા. અમને ખબર પડી કે આ વર્ના કાર બ્લેક કલરમાં આવશે. પરંતુ એવું કોઈ વાહન આવ્યું ન હતું.
વધુમાં જણાવાયું હતું કે જા કે અમે અમારી માહિતીના આધારે અહીં નજર રાખી રહ્યા હતા અને તે સમયે અમને ખબર પડી કે તે ત્યાં આવવા નીકળ્યો હતો પરંતુ આ વખતે તે કાળી કારમાં નહીં પરંતુ સફેદ રંગની ફોર્ચ્યુનર કારમાં અમદાવાદ એરપોર્ટ પહોંચ્યો હતો. જ્યારે અમે તેની અટકાયત કરી પૂછપરછ કરી ત્યારે તે કહેતો રહ્યો કે ‘હું એવું કંઈ કરતો નથી, હું જામીન પર છું’ પરંતુ જ્યારે અમે રાજસ્થાન પોલીસનો આ વાતની પુષ્ટિ કરવા માટે સંપર્ક કર્યો ત્યારે અમને ખબર પડી કે તે બે ગુનામાં વોન્ટેડ છે. જેથી અમે તરત જ તેની અટકાયત કરી એરપોર્ટ પોલીસ સ્ટેશનમાં ભેગો કર્યો હતો. મોડી રાત્રે બાલમુકુંદને કસ્ટડીમાં લીધા બાદ તે પોતે પણ વિવિધ વાતો કરતો હતો, આ દરમિયાન રાજસ્થાન પોલીસ ત્યાં આવી હતી અને બાલમુકુંદને કસ્ટડીમાં લઈને પોતાની સાથે લઈ ગઈ હતી.
