આ મહિનાની શરૂઆતથી જ ગુજરાતમાં તાપમાન વધી રહ્યું છે. તાપમાનમાં સતત વધારાને કારણે ગરમીનું સ્તર પણ વધ્યું છે. હવામાન વિભાગની આગાહી મુજબ, આગામી પાંચ દિવસ સુધી હવામાન આવું જ રહેવાની શક્યતા છે.
હાલમાં તાપમાનમાં ઘટાડો થવાની કોઈ શક્યતા નથી, તેથી ગુજરાતીઓને ગરમીનો સામનો કરવો પડશે. નલિયામાં સૌથી ઓછું તાપમાન ૧૫.૬ ડિગ્રી સેલ્સીયસ નોંધાયું હતું. હાલમાં ગુજરાતમાં ઉત્તર-પશ્ચિમ અને ઉત્તર દિશામાંથી પવન ફૂંકાઈ રહ્યા છે, જેના કારણે રાજસ્થાનના મેદાની વિસ્તારોમાંથી ગરમ પવનો ગુજરાત તરફ ફૂંકાઈ રહ્યા છે, જેના કારણે તાપમાન સતત વધી રહ્યું છે.
આ ઉપરાંત રાજકોટમાં રાજ્યનું સૌથી વધુ મહત્તમ તાપમાન ૩૫.૭ ડિગ્રી સેલ્સીયસ નોંધાયું હતું. અમદાવાદમાં ૨૪ કલાકમાં લઘુત્તમ તાપમાનમાં ૩.૫ ડિગ્રીનો વધારો થયો. ગઈકાલે અમદાવાદમાં લઘુત્તમ તાપમાન ૧૯.૨ ડિગ્રી સેલ્સીયસ નોંધાયું હતું. અમદાવાદ શહેરનું મહત્તમ તાપમાન ૩૪.૭ ડિગ્રી સેલ્સીયસ નોંધાયું હતું. આ ઉપરાંત, વડોદરામાં લઘુત્તમ તાપમાન ૧૮.૨ ડિગ્રી સેલ્સીયસ અને મહત્તમ તાપમાન ૩૫ ડિગ્રી સેલ્સીયસ, રાજકોટમાં લઘુત્તમ તાપમાન ૧૮.૬ ડિગ્રી સેલ્સીયસ અને મહત્તમ તાપમાન ૩૫.૭ ડિગ્રી સેલ્સીયસ, જ્યારે સુરતમાં લઘુત્તમ તાપમાન ૧૮.૧ ડિગ્રી સેલ્સીયસ અને મહત્તમ તાપમાન ૩૫.૫ ડિગ્રી સેલ્સીયસ નોંધાયું હતું.
