નેશનલ હાઈવે પર માર્ગ અકસ્માતો ઘટાડવા અને જનજાગૃતિ લાવવા માટે એક અનોખી પહેલ શરૂ કરવામાં આવી છે. ટ્રાફિક પોલીસે નિયમ ભંગ કરનાર વાહનચાલકોને દંડ ફટકારવાને બદલે ગુલાબનું ફૂલ આપીને નિયમોનું પાલન કરવા માર્ગદર્શન આપ્યું. હેલ્મેટ, સીટબેલ્ટ કે લાઇસન્સ ન ધરાવતા વાહનચાલકોને દંડને બદલે ગુલાબનું ફૂલ આપી સભાનતા લાવવાનો પ્રયાસ કરાયો. આ ઉપરાંત, નિયમોનું પાલન કરનાર વાહનચાલકોને પણ ફૂલ આપીને પ્રોત્સાહિત કરવામાં આવ્યા. આ પહેલથી વાહનચાલકોમાં ટ્રાફિક નિયમો પ્રત્યે જાગૃતિ વધશે.
