ગુજરાતમાં દિવસે દિવસે શ્વાનનો આતંક વધી રહ્યા છે. ત્યારે મહેસાણામાંથી એક અજીબ ઘટના સામે આવી છે. મહેસાણામાં ગલુડિયાનો નખ વાગવાથી એક મહિલાનું મોત થયું છે. જો સમગ્ર ઘટનાની વાત કરીએ તો ખેરાલુના સાગથલા ગામમાં ગલુડિયાનો નખ વાગતા ૪૪ વર્ષીય મહિલાને હડકવા થયો હતો. જે બાદ મહિલાનું મોત નિપજ્યું છે. ૨ માસ પહેલા મહિલાને ગલુડિયાનો નખ વાગ્યો હતો. બે મહિના બાદ શરીરમાં લકવો થઈ જતા મહિલાનું મોત થયું છે. મહિલાના મૃત્યુ બાદ પરિવારજનોને પણ રસી આપવામાં આવી છે.
બીજી તરફ સુરતના કામરેજ તાલુકાના વાવ ગામે શ્વાનના આતંકનો શિકાર ૧ વર્ષની બાળકી બની હતી. બાળકી ઘરમાં સુઇ રહી હતી ત્યારે રખડતુ શ્વાન તેના પર ત્રાટક્યુ અને બાળકીને ખેંચીને ખેતરમાં લઇ ગયું. ઘટનાની જાણ થતાં જ માતાએ બૂમાબૂમ કરી અને સ્થાનિકોનું ટોળુ શ્વાન પાછળ દોડ્યું. જાકે ખેતર અને જંગલ વિસ્તાર હોવાથી શ્વાન બાળકીને લઇને ભાગી છૂટ્યુ અને બાળકીને છોડાવવામાં લોકોને નિષ્ફળતા મળી હતી. ઘટનાની જાણ થતા જ સ્થાનિક પોલીસ, ફાયર વિભાગ, હ્લજીન્ અને ડોગ સ્ક્વોડની ટીમો ઘટનાસ્થળે પહોંચી. આ ઘટનાને ૩૬ કલાક કરતા વધુ સમય વીતી ગયો છે પરંતુ બાળકી કે શ્વાનનો કોઇ જ અત્તોપત્તો નથી.
