મહારાષ્ટ્રની ગઢચિરોલી પોલીસે નક્સલવાદીઓ સામે સરકારના ચાલી રહેલા અભિયાનમાં મોટી સફળતા મેળવી છે. બુધવારે, ગઢચિરોલીમાં ૮૨ લાખનું ઇનામ ધરાવતા ૧૧ નક્સલીઓએ આત્મસમર્પણ કર્યું. આ બધા નક્સલીઓએ મહારાષ્ટ્રના પોલીસ મહાનિર્દેશક રશ્મિ શુક્લા સમક્ષ આત્મસમર્પણ કર્યું. એડિશનલ ડ્ઢય્ (સ્પેશિયલ ઓપરેશન્સ) ચેહરિંગ દોરજે, ગઢચિરોલી રેન્જ ડીઆઇજી અંકિત ગોયલ, પોલીસ અધિક્ષક નિલોત્પલ અને સીઆરપીએફના ઓપરેશન્સ ડીઆઇજી પણ હાજર હતા.
ડીજીપી રશ્મિ શુક્લાએ ગઢચિરોલી પોલીસ દ્વારા મેળવેલી આ મોટી સફળતાને નક્સલવાદના અંતની શરૂઆત ગણાવી. તેમણે કહ્યું કે આ ગઢચિરોલીમાં નક્સલવાદના અંતની શરૂઆત છે. શુક્લાએ એ પણ ભાર મૂક્યો કે કેન્દ્ર સરકારે ૩૧ માર્ચ, ૨૦૨૬ સુધીમાં નક્સલવાદને નાબૂદ કરવાનો લક્ષ્યાંક નક્કી કર્યો છે, અને રાજ્ય પોલીસ આ લક્ષ્યને પ્રાપ્ત કરવા માટે સંપૂર્ણપણે પ્રતિબદ્ધ છે. તેમણે જણાવ્યું કે આ વર્ષે જ ગઢચિરોલીમાં ૧૦૦ થી વધુ માઓવાદીઓએ આત્મસમર્પણ કર્યું છે.
ગઢચિરોલીને મહારાષ્ટ્રમાં ખૂબ જ નક્સલ પ્રભાવિત વિસ્તાર માનવામાં આવે છે. નક્સલીઓના મોટા પાયે શરણાગતિને પોલીસ માટે એક મોટી સફળતા માનવામાં આવી રહી છે. આનાથી આ વિસ્તારમાં શાંતિ અને વિકાસ તરફ પ્રગતિની આશા મજબૂત થઈ છે. પોલીસના મતે, નક્સલીઓને મુખ્ય પ્રવાહમાં પાછા ફરવા માટે પ્રોત્સાહિત કરવામાં આવશે જેથી આ પ્રદેશમાં કાયમી શાંતિ સ્થાપિત થઈ શકે.
