ટી ૨૦ વર્લ્‌ડકપ ૨૦૨૧ બાદ ટીમ ઈન્ડિયાનાં મુખ્ય કોચ તરીકેની પોતાની સફર ખતમ કરી રહેલા રવિ શાસ્ત્રીએ નામીબિયા વિરુદ્ધની મેચ પહેલા રાહુલ દ્રવિડને લઈને મોટી પ્રતિક્રિયા આપી છે. જણાવી દઈએ કે, ગયા અઠવાડિયે ભારતીય ક્રિકેટ કંટ્રોલ બોર્ડે પૂર્વ કેપ્ટન રાહુલ દ્રવિડને ટીમ ઈન્ડિયાનાં નવા મુખ્ય કોચ તરીકે નિયુક્ત કર્યા છે. દ્રવિડ ન્યૂઝીલેન્ડ સામે ૧૭ નવેમ્બરથી શરૂ થનારી સીરીઝમાં નવી ભૂમિકા ભજવતો જાવા મળશે.
રવિ શાસ્ત્રીએ સ્વીકાર્યું હતું કે,ટી ૨૦ વર્લ્‌ડકપ દરમિયાન ભારતીય ટીમ માનસિક અને શારીરિક રીતે થાકેલી હતી અને તેમણે જીતવાનો પ્રયત્ન પણ કર્યો નહી કારણ કે ટીમે મોટી મેચોમાં દબાણની સ્થિતિ દરમિયાન સારુ પ્રદર્શન કરવામાં નિષ્ફળ ગઇ. શાસ્ત્રીએ કહ્યું કે, તેના ઉત્તરાધિકારી રાહુલ દ્રવિડને તેમના ‘વારર્સામાં એક શાનદાર ટીમ મળી છે અને તે તેના સ્તર અને અનુભવને ધ્યાનમાં રાખીને જ ટીમનાં સ્તરમાં સુધારો કરશે. જ્યારે ઈયાન બિશપે ટી ૨૦ વર્લ્‌ડકપમાં તેમના અસફળ અભિયાન વિશે પૂછવામાં આવ્યું ત્યારે શાસ્ત્રીએ સ્ટાર સ્પોર્ટ્‌સને કહ્યું, “મારા મગજમાં સૌથી પહેલી વસ્તુ આરામ છે. જા કે રવિ શાસ્ત્રીએ કહ્યું કે, જા આવનારા સમયમાં ઈન્ટરનેશનલ ક્રિકેટ કાઉન્સિલ અને વિશ્વભરનાં ક્રિકેટ બોર્ડ માનસિક થાક અંગે કંઈ નહીં કરે તો ક્રિકેટ પર તેની ખૂબ જ ખરાબ અસર પડી શકે છે.
શાસ્ત્રીએ કહ્યું કે, આવી સ્થિતિમાં ખેલાડીઓ આંતરરાષ્ટ્રીય પ્રતિબદ્ધતાઓથી પાછા જઈ શકે છે. મુખ્ય કોચ તરીકે ટીમ ઈન્ડિયા સાથેની છેલ્લી મેચ પહેલા શાસ્ત્રીએ માનસિક અને શારીરિક થાક વિશે ખુલીને વાત કરી હતી. તેમણે વધુમાં કહ્યુ કે, “હું બહાનું નથી બનાવતો, પણ અમે લગભગ છ મહિનાથી બાયો બબલમાં જીવીએ છીએ. જા અમને આઇપીએલ અને ટી ૨૦ વર્લ્‌ડકપ વચ્ચે કોઈ અંતર મળ્યું હોત તો સારું હોત. જે લોકો રમે છે તે બધા માણસો છે, આ લોકો પેટ્રોલ પર નથી ચાલતા. મારા મગજમાં આવતી પહેલી વસ્તુ આરામ છે. હું માનસિક રીતે થાકી ગયો છું અને આ ખેલાડીઓ પણ માનસિક અને શારીરિક રીતે થાકેલા છે.