ઉત્તરાખંડમાં ભારે વરસાદનો પ્રકોપ ચાલુ છે. સતત વરસાદને કારણે કેટલીક જગ્યાએ નદીઓ છલકાઈ રહી છે અને કેટલીક જગ્યાએ ભૂસ્ખલન જાવા મળી રહ્યું છે. આ કારણે ચાર ધામ જતા શ્રદ્ધાળુઓને ઘણી મુશ્કેલીઓનો સામનો કરવો પડી રહ્યો છે. દરમિયાન, ઉત્તરાખંડના મુખ્યમંત્રી પુષ્કર સિંહ ધામીએ એક મોટો નિર્ણય લીધો છે. માહિતી આપતાં સીએમ પુષ્કર સિંહ ધામીએ જણાવ્યું હતું કે, “હવામાનને ધ્યાનમાં રાખીને ચાર ધામ યાત્રાને અસ્થાયી રૂપે બંધ કરવામાં આવી છે. ભવિષ્યમાં, અમે હવામાન અનુસાર યાત્રા આગળ ધપાવીશું. જ્યારે યાત્રા સુરક્ષિત રહેશે, ત્યારે તેને ચાલુ રાખવામાં આવશે. યાત્રા દરમિયાન અમારી પ્રાથમિકતા તમામ યાત્રાળુઓની સલામતી છે. અમારા તમામ જિલ્લા અધિકારીઓ, આપત્તિ વ્યવસ્થાપન ટીમો, દ્ગડ્ઢઇહ્લ અને એસડીઆરએફ સંપૂર્ણ રીતે તૈયાર છે.
તમને જણાવી દઈએ કે સોનપ્રયાગમાં સતત વરસાદને કારણે ભૂસ્ખલન જાવા મળ્યું છે. આના કારણે કેદારનાથથી પરત ફરી રહેલા ૪૦ થી વધુ શ્રદ્ધાળુઓ ફસાયા હતા. રાજ્ય આપત્તિ પ્રતિભાવ દળે સોનપ્રયાગ ભૂસ્ખલન વિસ્તાર નજીક ફસાયેલા ૪૦ શ્રદ્ધાળુઓને સફળતાપૂર્વક બચાવ્યા છે. એક અધિકારીએ જણાવ્યું હતું કે ભારે વરસાદને કારણે સોમવારે રાત્રે ૧૦ વાગ્યે ભૂસ્ખલન થયું હતું, જેના કારણે રસ્તો બ્લોક થઈ ગયો હતો અને અચાનક કાટમાળ પડવાથી ઘણા શ્રદ્ધાળુઓ ત્યાં ફસાઈ ગયા હતા. તમને જણાવી દઈએ કે આ ઘટના બાદ, જીડ્ઢઇહ્લ ટીમોને તાત્કાલિક ઘટનાસ્થળે મોકલવામાં આવી હતી અને રાત્રે યાત્રાળુઓને બચાવવા માટે બચાવ કામગીરી હાથ ધરવામાં આવી હતી.
તમને જણાવી દઈએ કે ઉત્તરાખંડમાં ભારે વરસાદે તબાહી મચાવી છે. આના કારણે લોકોને ઘણી મુશ્કેલીઓનો સામનો કરવો પડી રહ્યો છે. ચમોલી પોલીસે એક પોસ્ટ શેર કરીને કહ્યું કે, ‘બદ્રીનાથ રાષ્ટ્રીય ધોરીમાર્ગ પર બદ્રીશ હોટલ પાસે ભૂસ્ખલન જાવા મળ્યું છે. યમુનોત્રી રાષ્ટ્રીય ધોરીમાર્ગ પર ટ્રાફિક ખરાબ રીતે પ્રભાવિત થયો છે. અવિરત વરસાદને કારણે સિલાઈ બંધ અને ઓજરી વચ્ચેના હાઇવેના કેટલાક ભાગો ધોવાઈ ગયા છે.’ તે જ સમયે, ઉત્તરકાશી પોલીસે કહ્યું કે, ‘યમુનોત્રી રાષ્ટ્રીય ધોરીમાર્ગ બે જગ્યાએ બંધ છે. માર્ગ પુનઃસ્થાપિત કરવામાં સમય લાગી શકે છે. પરિસ્થિતિને સંભાળવા માટે એસડીઆરએફ,એનડીઆરએફ પોલીસ અને વન વિભાગના અધિકારીઓ સ્થળ પર હાજર છે, જેઓ શ્રદ્ધાળુઓ અને સ્થાનિકોને કામચલાઉ માર્ગોમાંથી પસાર થવામાં મદદ કરી રહ્યા છે.’
