પશ્ચિમ બંગાળમાં વિધાનસભા ચૂંટણી પહેલા એન્ફોર્સમેન્ટ ડિરેક્ટોરેટ (ઈડી) સતત કાર્યવાહી કરી રહ્યું છે. આ સંદર્ભમાં, ઈડીએ રવિવાર (૧૯ એપ્રિલ) સવારે કોલકાતામાં અનેક સ્થળોએ દરોડા પાડ્યા. ઈડીએ કોલકાતા પોલીસના ડેપ્યુટી કમિશનર શાંતનુ સિંહા બિશ્વાસના બાલીગંજ સ્થિત નિવાસસ્થાન અને સન એન્ટરપ્રાઇઝના એમડી જાય કામદારના બેહાલા સ્થિત નિવાસસ્થાન પર દરોડા પાડ્યા.
અહેવાલો અનુસાર, એન્ફોર્સમેન્ટ ડિરેક્ટોરેટ (ઈડી) પીમએલએ હેઠળ કોલકાતામાં અનેક સ્થળોએ દરોડા પાડી રહ્યું છે. આજે સવારે, એન્ફોર્સમેન્ટ ડિરેક્ટોરેટે શાંતનુના ગોલપાર્ક સ્થિત નિવાસસ્થાન પર દરોડા પાડ્યા હતા. સૂત્રો સૂચવે છે કે ઈડ્ઢ એ તેમના ઘરની બાજુમાં આવેલા એક સરકારી તાલીમ કેન્દ્ર પર પણ દરોડા પાડ્યા હતા. જોકે, સવારથી કેન્દ્ર બંધ હતું. ઈડીએ બેહાલા સ્થિત સન એન્ટરપ્રાઇઝના મેનેજિંગ ડિરેક્ટર જાય કામદારના નિવાસસ્થાન પર પણ દરોડા પાડ્યા હતા.
શાંતનુ સિંહા મુખ્યમંત્રી મમતા બેનર્જીના ખૂબ જ નજીકના માનવામાં આવે છે અને તાજેતરમાં મમતા સરકાર દ્વારા કરવામાં આવેલા વિરોધ પ્રદર્શન દરમિયાન તેઓ સ્ટેજ પર જોવા મળ્યા હતા. તે સમયે, કોલકાતા પોલીસે જણાવ્યું હતું કે તેઓ મુખ્યમંત્રીની સુરક્ષા માટે સ્ટેજ પર હાજર હતા.
૨૮ માર્ચ, ૨૦૨૬ ના રોજ પ્રિવેન્શન ઓફ મની લોન્ડરિંગ કાયદા હેઠળ કોલસા કૌભાંડની તપાસના સંદર્ભમાં જારી કરાયેલી નોટિસ બાદ, ૬ એપ્રિલ, ૨૦૨૬ ના રોજ એન્ફોર્સમેન્ટ ડિરેક્ટોરેટ દ્વારા શાંતનુ સિંહાને પૂછપરછ માટે સમન્સ મોકલવામાં આવ્યા હતા. તેમણે ઈડી સમન્સને હાઇકોર્ટમાં પડકાર્યો હતો. ઈડીએ તેમને મેડિકલ એનઆરઆઇ ક્વોટા પ્રવેશ કૌભાંડના સંદર્ભમાં પણ સમન્સ પાઠવ્યું હતું. જાકે, આ વખતે કેન્દ્રીય એજન્સીએ સીધા તેમના ઘરે દરોડા પાડ્યા હતા.
આ પહેલા, આવકવેરા વિભાગે તૃણમૂલ કોંગ્રેસના ધારાસભ્ય દેવાશીષ કુમારના ઘરે દરોડા પાડ્યા હતા. નજીકમાં સ્થિત પાર્ટી કાર્યાલય અને ચૂંટણી કાર્યાલય પર પણ દરોડા પાડવામાં આવ્યા હતા. વધુમાં, ભવાનીપુરમાં મુખ્યમંત્રી મમતા બેનર્જીના નોમિનેશન પ્રસ્તાવકના ઘરે દરોડા પાડવામાં આવ્યા હતા. આવકવેરા વિભાગના અધિકારીઓએ પ્રસ્તાવક મિરાજ શાહના ૨, એલ્ગીન રોડ સ્થિત નિવાસસ્થાન પર દરોડા પાડ્યા હતા.
તૃણમૂલ કોંગ્રેસના સુપ્રીમો મમતા બેનર્જીએ આ કાર્યવાહી પર નારાજગી વ્યક્ત કરી હતી. પાર્ટીએ ચૂંટણી પંચને પત્ર લખીને સ્પષ્ટપણે જણાવ્યું હતું કે આ કાર્યવાહી પાયાવિહોણી છે અને આવકવેરા વિભાગ સામે કાર્યવાહી કરવાની જરૂર પડશે.
